Shrift o'lchami Rang Rasm
<< Avgust 2017 >>
DUSECHPAJUSHYA
 123456
78910111213
14151617181920
21222324252627
28293031   

Fidoying bo‘lgaymiz seni,

O'ZBEKISTON!

Saytni baholash




Yangiliklarga obuna bo'lish

Hozir saytda 34 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

SUD RAISLARINING AXBOROTI TINGLANDI

 2017-08-04 16:14:52    55

PDF yuklash
Chop etish


Xalq deputatlari Farg‘ona viloyati, tuman va shahar Kengashlarining navbatdagi qo‘shma sessiyasida Prezidentimiz raisligida shu yil 13 iyun kuni poytaxtimizda sud organlari tizimida odil sudlovni ta’minlash borasidagi ishlarning ahvoli, muammolar va istiqboldagi vazifalarga bag‘ishlab o‘tkazilgan videoselektor yig‘ilishida belgilab berilgan vazifalar muhokama etildi. 

Viloyat sudlarining joriy yil birinchi yarim yillik faoliyati yuzasidan axboroti tinglandi. 

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq, mamlakatimiz sud-huquq tizimida keng ko‘lamli islohotlar amalga oshirilmoqda. Xususan, sudyalikka nomzodlarni tanlash hamda lavozimga tayinlash tizimini tubdan takomillashtirish, yuqori malakali sudyalar korpusini shakllantirish maqsadida yangi konstitutsiyaviy organ – O‘zbekiston Respublikasi Sudyalar oliy kengashi tashkil etildi. 

Davlatimiz rahbari ta’kidlaganidek, adolat va ma’naviyat o‘zaro chambarchas bog‘liq tushunchalardir. Binobarin, sudyalar, yurist kadrlarni tayyorlash va sudyalik lavozimiga tayinlashda mazkur mezonga tayanish, har bir sudya aholi bilan joylarda oyiga kamida bir marta ochiq muloqot o‘tkazishi, sudya lavozimida faoliyat ko‘rsatayotgan sud xodimlari o‘z faoliyati yuzasidan xalq deputatlari mahalliy Kengashlarida axborot berishi bilan bog‘liq amaliyot joriy etilayotgani jamoatchilik tomonidan katta qiziqish bilan qo‘llab-quvvatlanmoqda. 

Sudlar tomonidan ishlarni mahallalarda sayyor sud tartibida ko‘rib, nizolarni joyida bartaraf etish, mamlakatimizda amalga oshirilayotgan demokratik islohotlar, yangi qabul qilinayotgan qonun hujjatlarining mazmun-mohiyatini sodda tilda tushuntirib berish yo‘lga qo‘yilgani fuqarolarning qonunga hurmatini oshirib, adolatga, davlatga ishonchini mustahkamlamoqda. 

Fuqarolik ishlari bo‘yicha viloyat sudlari tomonidan joriy yilning birinchi yarmida 15 ming 47 ish ko‘rib chiqilgan. Sud buyrug‘i tartibida 56 ming 482 ariza hal qilinishiga erishilgan. Bu masalalarning aksariyati nikohni bekor qilish va oilaviy nizolar bilan bog‘liq ishlar, kommunal xizmat, mulk huquqi, uy-joy nizolari, zararni undirish va boshqa yo‘nalishlarga tegishlidir. 

Jinoyat ishlari bo‘yicha viloyat sudlariga 4 ming 767 nafar shaxsga nisbatan 3 ming 525 jinoyat ishi bilan bog‘liq materiallar kelib tushgan. Shundan 4 ming 265 nafar shaxsga nisbatan 3 ming 171 jinoyat ishi tugatilgan. Bu jinoiy ishlar o‘tgan yilning shu davriga nisbatan 161 taga kamayganidan dalolat beradi. Ammo sudlanganlar soni 3,8 foizga o‘sgan. Voyaga yetmaganlar, mehnatga layoqatsiz shaxslarni ish bilan ta’minlashdan bo‘yin tovlash, firibgarlik, o‘g‘rilik, harakat xavfsizligi qoidalarini buzish, giyohvand moddalar bilan bog‘liq jinoyatlar soni ortgani, ular ichida ayollar ham borligi achinarlidir. 

Viloyat iqtisodiy sudining birinchi instansiyasida 10 ming 778, apellyatsiya instansiyasida 159 ish ko‘rilgan. Iqtisodiy sud tarkibida kadrlar tayyorlash masalasida ham bir qator ijobiy o‘zgarishlarga erishilgan. Bo‘sh ish o‘rinlari yaratilib, sohaga yosh huquqshunoslar jalb etilgan. 

Ishtirokchilar tomonidan murojaatlar, sud mutasaddilarining mas’uliyati va intizomiy javobgarligi, sud ishlarining ko‘rilishi, joylarda shu bilan bog‘liq muammolar hal etilishi yuzasidan savollar, takliflar o‘rtaga tashlandi. Sudyalar tomonidan savollarga javob qaytarildi. 

Qo‘shma sessiyada Farg‘ona viloyati hokimi Sh.G‘aniyev so‘zga chiqdi.