Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ДЎППИДЎЗЛАР СУЛОЛАСИНИНГ БЕШИНЧИ АВЛОД ВАКИЛИ
2017-09-18 11:19:00 105
Марғилон дўппилари, адрас, атлас ва заргарлик буюмлари азалдан ўзига хослиги билан ажралиб туради. Ушбу маҳсулотлар довруғи қадимдан Буюк ипак йўли бўйлаб кенг тарқалган.
Марғилон шаҳридаги “Ёйилма” маҳалла фуқаролар йиғини ҳудудида яшовчи Мукаррам Иброҳимова дўппидўзлар сулоласининг бешинчи авлод вакили. Аждодлардан мерос бўлиб келаётган касб сирларини пухта ўзлаштирган Мукаррам опа Марғилон дўпписининг ўнлаб янги нусхаларини яратди.
– Мустақиллик шарофати билан миллий ҳунармандчилик, жумладан, дўппидўзлик ҳам ривожланди, – дейди Мукаррам Иброҳимова. – Айни пайтда ироқи дўппи, Чуст дўппи, Қўқон дўппи, Марғилон дўппи, гилам дўппилар нафақат мамлакатимиз, балки хорижда ҳам машҳур. Марғилон дўпписининг юзлаб турлари мавжуд. Уларда вилоятнинг ўзига хос табиати, аёлларимизнинг нафис қалби, латофати, орзу-умидлари ифодаланади. 40 дан ортиқ шогирдим дўппидўзлик билан шуғулланади. Айни кунда набираларим билан қизлар учун тикаётган “Гулноз”, “Баҳор”, “Жанон”, “Ёнғоқ нусха”, “Шабнам ” каби дўппи турлари кўпчиликка манзур бўлаётганидан қувонаман.
