Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ШАШКАЧИ ҚИЗ ҒАЛАБАСИ
2017-09-18 11:23:09 81
Нияра Абдишаева Фарғона шаҳар 40-сонли ихтисослаштирилган давлат умумтаълим мактабининг 9-синфида аъло баҳоларга ўқиш билан бирга спортнинг шашка тури билан ўн йилдан буён шуғулланади. Фарғона вилоят айрим ўйин турларига ва енгил атлетикага ихтисослаштирилган болалар-ўсмирлар спорт мактаби тарбияланувчиси халқаро ареналарда Ватанимиз спорт шаънини муносиб ҳимоя қилиб келмоқда.
Болгариянинг Кранево шаҳрида ёшлар ва хотин-қизлар ўртасида шашка бўйича жаҳон чемпионати бўлиб ўтди. Унда Россия, Белорусия, Украина, Молдова, Эстония, Латвия каби ўндан зиёд давлатлардан 200 нафар сараланган спортчи иштирок этди.
Жаҳон чемпионатида 2001-2003 йилларда туғилган қизлар ўртасида вилоятимиз вакили тезкор шашка тури бўйича баҳсларда юқоридаги давлатлар спортчилари билан баҳслашиб, якунда ўз ёш тоифасида 2-ўринни эгаллаб, кумуш медаль соҳибига айланди. Чемпионатда Нияра фарғоналик Малика Халилова билан миллий терма жамоамизнинг умумжамоа ҳисобида фахрли 3-ўринни эгаллашига муносиб ҳисса қўшишди.
Келажаги порлоқ, умидли шашкачи Н.Абдишаева учун 2017 йил омадли келди. Унинг эришган ютуқлари салмоқли. Йил бошида спорт устаси деган номга сазовор бўлди. Апрель ойида Тошкентда ўтказилган шашка бўйича республика чемпионатида классик, блиц ва рапид йўналишларининг ҳар бирида 3 та олтин медални қўлга киритди. Бундан ташқари ўндан ортиқ давлат спортчилари иштирок этган Осиё чемпионатида олтин медаль Ниярага насиб этди.
Иқтидорли шашкачи шу йил 19-29 октябрь кунлари Санкт-Петербург шаҳрида аёллар ўртасида ўтказиладиган жаҳон чемпионатига тайёргарликни бошлаб юборди.
