Shrift o'lchami Rang Rasm
<< Oktyabr 2017 >>
DUSECHPAJUSHYA
      1
2345678
9101112131415
16171819202122
23242526272829
3031     

Fidoying bo‘lgaymiz seni,

O'ZBEKISTON!

Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 219
Ko'rib chiqilmoqda: 57 (26.02%)
Javob berilgan: 162 (73.98%)

Saytni baholash




Yangiliklarga obuna bo'lish

Hozir saytda 46 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

BIR DARYODAN SUV ICHGAN ELLARMIZ

×

 2017-10-05 09:59:09    100

PDF yuklash
Chop etish


Davlatimiz rahbari Shavkat Mirziyoev Qirg’iziston Respublikasi Prezidenti Almazbek Atambaevning taklifiga binoan 5-6 sentyabr kunlari Qirg’iziston Respublikasida bo’ldi. Tashrif doirasida qo’shni o’zbek va qirg’iz xalqlari manfaatlariga xizmat qiluvchi qator kelishuvlarga erishildi.

1 oktyabr kuni Farg’ona tumanidagi "Vodil" chegara postida viloyat  xokimligi  hamda Qirg’iziston Respublikasi Botkent viloyati vakillarining uchrashuvi  bo’lib o’tdi. 

Sog’ingan dillar diydori. Bir-birini mahkam bag’riga bosayotgan intiq kishilar yuzlaridagi, ko’zlaridagi balqigan sevinch. Talpinib turgan tashna qalblarning bordi-keldilarning davomiyligiga ishonch. O’zbek va qirg’iz  xalqlari vakillari uchun tarixiy ahamiyatga molik voqelik sifatida baholangan tantanada ana shular aks etdi.

Chegara majmuasida Qirg’iziston Respublikasidan tashrif buyurgan mehmonlar keng jamoatchilik, yurtimizda istiqomat qilayotgan qirg’iz millati hamda yoshlar vakillari ishtirokida karnay-surnay sadolari ostida kutib olindi.

O’zbekiston va Qirg’iziston Prezidentlari, hukumat delegatsiyalari uchrashuvining samarasi sifatida o’tkazilgan mazkur tadbirda so’z olgan Farg’ona viloyati hokimi Shuhrat G’aniev hamda Botkent viloyati gubernatori Abish Xolmirzaevlar ikki xalq o’rtasidagi do’stlik rishtalari qadim tarixga ega ekanligi, davlatlarimiz rahbarlari uchrashuvi nafaqat ana shu do’stlikni, balki ikki davlat o’rtasidagi iqtisodiy, madaniy va yaqin qo’shnichilik munosabatlarini mustahkamlash yo’lida yangi sahifa ochganligini ta’kidladilar.

– Bugun biz, o’zbekistonliklar va qirg’izistonlik qardoshlarimiz uchun ajoyib kun, – dedi viloyatimiz  rahbari. – Chegaradagi ortiqcha to’siqlar olib tashlanayotganligi, do’stligimiz rishtalari yanada mustahkam bog’lanayotganligi uchun O’zbekiston va Qirg’iziston Prezidentlariga samimiy minnatdorchiligimizni bildiramiz. 1 oktyabrda “Vodil” chegara postining ochilishi O’qituvchilar va murabbiylar kunida qo’shaloq bayramga aylanib ketdi.

Millatlararo hamjihatlik, bag’rikenglik siyosati tufayli mamlakatimizda istiqomat qilayotgan turli millat va elatlar o’rtasida o’zaro hurmat, do’stlik, hamjihatlikka asoslangan munosabatlar shakllangan.    

Uchrashuvda har ikki millat vakillari tomonidan e’tirof etilganidek, quda-andachilik, oshna-og’aynichilik, qarindosh-urug’chilik rishtalari ming yillarga borib taqaladi. Tadbir ishtirokchilari turli sabablarga ko’ra uzilib qolgan ana shu rishtalar endilikda yanada mustahkam bog’lanishiga ishonch bildirishdi.

O’zbek va qirg’iz oqsoqollari duoga qo’l ochib, osmonimiz musaffo, zaminimizda tinchlik barqaror bo’lishi tiladilar.

Tantanada  tinchlik-totuvlik ulug’langan she’rlar, o’zbekona kuy- qo’shiqlar, qirg’izcha dostonu alyorlar yangradi.

Qo’shnichilik munosabatlari, do’stlik rishtalari hamda hamkorlikning yanada mustahkamlanishi, qo’shni davlatga borish-kelishdagi to’siqlar, ortiqcha rasmiyatchiliklarning olib tashlanganligi, ayniqsa, asrlar davomida qo’shni yashayotgan, tili, dili, dini bir ikki xalq aholisini behad quvontirdi.

– Quvonchim cheksiz, – deydi 90 yoshli mehnat faxriysi  Eshonqul hoji ota Omonov hayajon bilan. – Farg’ona, Marg’ilon shaharlariga borgimiz kelardi, o’tolmayotgandik. Ollohga beadad shukurlar bo’lsinki, diydorli kunlarga etdik. Bundan buyon bir-birimizni siylab, hurmatlab yuraylik. Hamisha bir-birimiznikiga borib-kelishlik nasib etsin.

– Endi ikki xalq vakillari chegara postidan 24 soat davomida shaxsni tasdiqlovchi hujjat asosida bemalol o’tish imkoniga ega bo’ldi, – deydi Qirg’iziston Respublikasi Botkent viloyati Qadamjoy tumani hokimi o’rinbosari To’xtaxon Ilyasova. – Ikki xalq vakillarining bir-birilarini sog’inganlari-yu, bordi-keldi uchun yana imkoniyat tug’ilganligidan xursand ekanliklarini tadbirga to’planganlarning so’zlaridan, yuzlaridan  bilish mumkin. Har ikki davlat uchun manfaatli hamkorlik faqat naf keltirishiga ishonaman.

– Qirg’izistonning Qadamjoy tumani Uchqo’rg’on qishlog’iga to’yga borib kelyapmiz, – deydi quvonch bilan Toshloq tumanidagi 16-umumta’lim maktabi o’qituvchisi Nasiba Jo’raeva. – To’rt yildan beri qarindoshlarimiz bilan diydorlasha olmayotgandik. Bemalol borib-kelishimizni eshitib, o’zimizda yo’q xursand bo’lib uyga qaytyapmiz. 

O’zbekistonning maftunkor va betakror tabiatli Shohimardon qishlog’iga borib kelishdagi qiyinchiliklar ham endi ortda qolganidan yurtdoshlarimiz, haydovchilar, oilalar vakillari mamnunliklarini bildirdilar.

– Shohimardon  mamlakatimizning turizm salohiyatida muhim o’rinlardan birida turuvchi maskan, qadim va muqaddas ziyoratgohlardan biri, – deydi “Nuroniy” jamg’armasi viloyat bo’limi raisi Topvoldi Xoldorov. – Ana shuni inobatga oladigan bo’lsak, O’zbekistonning turli xududlarida istiqomat qiluvchi yurtdoshlarimiz, qolaversa, yurtimizga tashrif buyuradigan sayyohlar uchun ham dam olish, ziyorat qilish imkoniyatlari tug’iladi.

Dunyoga Navoiydek ulug’ dahoni, Chingiz Aytmatovdek buyuk yozuvchini bergan o’zbek-qirg’iz xalqlarining tarixi ham, madaniyati va ma’naviyati ham  teran tomirlarga ega ekanligini shu kuni tadbir ishtirokchilari yana bir bora angladilar. Ana shu do’stlik, xamjihatlik  yana asrlar osha bardavom bo’lsin. Dili-yu tili yaqin bo’lgan ellarning yo’li, maqsadi mushtarakligi esa taraqqiyot omilidir.