Shrift o'lchami Rang Rasm
<< Dekabr 2017 >>
DUSECHPAJUSHYA
    123
45678910
11121314151617
18192021222324
25262728293031

Fidoying bo‘lgaymiz seni,

O'ZBEKISTON!


Yuridik va jismoniy shaxslar tomonidan veb sayt orqali bo'lgan murojaatlar

Jami murojaatlar: 219
Ko'rib chiqilmoqda: 57 (26.02%)
Javob berilgan: 162 (73.98%)

Saytni baholash




Yangiliklarga obuna bo'lish

Hozir saytda 66 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

TARIXIY VOQEA SHODIYONASI

×

 2017-12-06 15:05:47    39

PDF yuklash
Chop etish


Yurt tinchligi, vatan ravnaqi, xalq farovonligi, millatlararo totuvlik, diniy bag`rikenglik kabi g`oyalarni o’zida mujassam etgan Konstitustiyamiz milliy qonunchiligimizning mukammal ifodasi sifatida xalqimiz e’tirofini qozonib kelmoqda. Tom ma’noda u inson huquqi, sha’ni, qadr-qimmati, erkinliklari, manfaatlari va burchlari muhrlangan Qomusnomadir.

Prezidentimizning 2017 yil  20 iyundagi “O’zbekiston Respublikasi Konstitustiyasi qabul qilinganining yigirma besh yilligini  nishonlashga tayyorgarlik ko’rish va uni o’tkazish chora-tadbirlari to’g`risida” gi farmoyishi Asosiy Qonunimizning hayotimizda tutgan o’rni va dunyo miqyosidagi nufuzini ifoda etadi.

Yana bir ahamiyatli jihati shundaki, O’zbekiston Respublikasi Konstitustiyasining “O’zbekiston” nashriyoti tomonidan chop etilgan yangi nashrida so’nggi yillarda Asosiy Qonunimizga kiritilgan o’zgartish va qo’shimchalar o’z ifodasini topgan.

4 dekabr kuni Islom Karimov nomidagi viloyat  teatr-konstert saroyida O’zbekiston Respublikasi Konstitustiyasi qabul qilinganining 25 yilligiga bag`ishlangan tantanali tadbir bo’lib o’tdi.

O’zbekiston Respublikasining Davlat madhiyasi yangradi. 

Tantanali tadbirda O’zbekiston Respublikasi Oliy Majlisi Senati a’zolari,  viloyat, shahar, tuman Kengashlari deputatlari, shahar, tuman  hokimlari va ularning o’rinbosarlari, huquqni muhofaza qilish idoralari rahbarlari, jamoat tashkilotlari vakillari qatnashdilar.

Tadbirni viloyat hokimi, Oliy Majlis Senati a’zosi Shuhrat G`aniev ochib, Bosh Qonunimizning hayotimizda tutgan o’rni va ahamiyati xususida so’z yuritdi.

Jinoyat ishlari bo’yicha viloyat sudi raisi  Murodjon Mirzajonov O’zbekiston Respublikasi Konstitustiyasining asosiy prinstip va qoidalari haqida ma’ruza qildi.

O’zbekiston Respublikasi Davlat mustaqilligining 26 yilligi munosabati bilan Prezidentimiz Farmoniga binoan bir guruh yurtdoshlarimiz Vatanimizning yuksak unvonlari, orden va medallari bilan taqdirlangan edilar.

Tantanada O’zbekiston Respublikasi Bosh vaziri o’rinbosari Jamshid Qo’chqorov, viloyat hokimi Shuhrat G`aniev mazkur qutlug` sana munosabati bilan tadbir ishtirokchilarini samimiy muborakbod etdi va  mukofotlanganlarga orden, medallar, faxriy unvonlarni  tantanali suratda topshirdilar.

Shuningdek, viloyatimizning bir guruh faollariga “O’zbekiston Konstitustiyasiga 25 yil” esdalik nishoni ham topshirildi.

– Menga berilgan mukofot davlatimiz rahbarining xalq ijodiyotiga, milliy an’analarimizga e’tiborining yorqin ifodasidir, – deydi  II darajali “Sog`lom avlod uchun” ordeni sohibi, Farg`ona tumanidagi “Vodil chinori” xalq dorbozlari jamoasi badiiy rahbari Tursunali Mamajonov. – Xalqimiz polvonlarni yaxshi ko’radi, qadrlaydi. Har bir xonadonda o’g`il farzand dunyoga kelsa uning ota-onasi polvonim, deb suyadi. Vatanimizda yurtimiz dovrug`ini ko’taradigan, el hurmatini qozonib, xalqimiz yuzini yorug` qiladigan polvonlar ko’payaversin. Qutlug` kun barchaga muborak bo’lsin!     

Tadbirda Farg`ona san’at kolleji o’quvchilaridan tarkib topgan sozandalar ansambli va xor jamoasi jo’rligida xonanda Bahriddin Sharopovning “Xalqim” nomli qo’shig`i ijro etildi. Konstert dasturida  farg`onalik taniqli xonandalar Sherali Rahmonov, Bahodir Mamajonov, Otabek Muhammadzohid, Ikromjon Abdullaev, Dilfuza Qodirova, Xumora Shokirova ijrosidagi qo’shiqlar, Farg`ona shahar madaniyat uyi raqqosalarining chiqishlari bayram tadbiri ishtirokchilariga ko’tarinki kayfiyat bag`ishladi. Ayniqsa “Nihol” mukofoti sovrindorlari Malika Egamberdieva, Diyora Muxtorova, estrada xonandasi Shohjahon Jo’raev tomonidan ijro etilgan qo’shiqlar olqishlar bilan kutib olindi.


M.ABDURAHIMOVA.

S.ABDURAHMONOVA.