1. Bosh sahifa

Eng namunali ta’lim muassasasi

×

Oltiariq tumanidagi pedagogika kasb-hunar kollejida  “Eng namunali ta’lim muassasasi” mavzusida Respublika seminari bo‘lib o‘tdi.

Seminar ishtirokchilari kollejda o‘quvchilarning bo‘sh vaqtini  mazmunli o‘tishini ta’minlash,  o‘smirlar o‘rtasidagi huquqbuzarliklarning oldini olish, “Oila-mahalla-ta’lim muassasasi” tizimini yanada mustahkamlashga qaratilgan hamkorlikdagi faoliyat bilan tanishdilar.

Iqtidorli o‘quvchilarning  innovatsion texnologiyalar ko‘gazmasi  namoyish etildi. Yosh kashfiyotchilarning turli yo‘nalishlarda olib borayotgan izlanishlari ishtirokchilarda katta taassurot qoldirdi.

Seminarda O‘zbekiston Respublikasi Oliy va o‘rta maxsus ta’lim vazirligi o‘rta maxsus kasb-hunar ta’limi markazi direktori  o‘rinbosari  Farhod Rizaev  ayrim ta’lim muassasalarining qoniqarsiz faoliyati, rahbarlar tomonidan yo‘l qo‘yilayotgan kamchiliklarni keskin tanqid ostiga oldi.  Yoshlar tarbiyasida hech kimning xato qilishga haqqi yo‘qligi, eng namunali ta’lim muassasasiga qo‘yilgan talablar atroflicha tushuntirib o‘tildi.

Farg‘ona aloqa kasb-hunar kollejida  bo‘lib o‘tgan “Namunali ta’lim muassasasi” ko‘rgazmali seminarida  kollejlarning  o‘quv ishlari  hamda  kasbiy ta’lim bo‘yicha  direktor o‘rinbosarlari  ishtirok etdilar. Ular sohalar  bo‘yicha alohida guruhlarga bo‘linib, chet tillarni o‘qitishning  sifat va samaradorligini oshirish, axborot-resurs markazida elektron darsliklar  va multimediya ishlamalaridan foydalanish bo‘yicha  tashkil etilgan  ochiq dars soatlarida qatnashdilar.   Darslar  noan’anaviy  yangi pedagogik  texnologiyalar asosida olib borildi.  Iqtidorli o‘quvchilarning  yaratgan maketlar va texnik vositalarini ko‘zdan kechirishdi.  O‘quv laboratoriyadagi sharoitlar va amalga  oshirilgan ishlar bilan tanishdilar.

 Seminar davomida dars mashg‘ulotlarini qiziqarli tashkil etish, ko‘rgazmalar yangi g‘oya va innovatsiyalardan keng foydalanishga  qaratilgan tavsiyalar bildirildi.

 Kamola POLVONOVA.

 Sherzod QORABOEV olgan surat.