1. Бош сахифа

ҚУВАСОЙ ШАҲРИДА ЛОЙИҲА ҚИЙМАТИ 20 МИЛЛИОН ДОЛЛАР БЎЛГАН ART SOFT CERAMICS КЕРАМОГРАНИТ ПЛИТАЛАР ИШЛАБ ЧИҚАРИШ КОРХОНАСИ ИШГА ТУШИРИЛДИ

×

Бугун Қувасой шаҳридаги Пакана МФЙ ҳудудида ташкил этилган кичик саноат зонасида лойиҳа қиймати 20 миллион доллар бўлган Art Soft Ceramics керамогранит плиталар ишлаб чиқариш корхонаси ишга туширилди. Тантанали очилиш маросимида вилоят ҳокими Хайрулло Бозоров иштирок этди.

Давлатимиз раҳбарининг оқилона сиёсатлари, ўзлари бош бўлган ҳолда, ҳар қандай синовдан муваффақиятли ўтиш йўлини аниқ-равшан белгилаб бераётганликлари натижасида сўнгги йиллардаги пандемия, дунёдаги чуқур иқтисодий ва сиёсий инқирозлар, зиддиятларга қарамасдан, бугун мамлакатимиз барча иқтисодий кўрсаткичларда юқори натижалар қайд этаётганини қайд этган вилоят ҳокими, бунда тадбиркорлар сонини кўпайтириш, одамларни ишбилармон қилиш асосий омил бўлаётганини таъкидлади.

Бугун 40 дан зиёд корхонани бирлаштирган ҳамда таркибида 10 минг нафардан зиёд ишчи-ходимлар меҳнат қилаётган Art Soft холдинги, Президентимизнинг жамиятимизда тадбиркорлик муҳитини қарор топтириш ва тадбиркорларни қўллаб-қувватлаш борасидаги ислоҳотларининг меваси эканига эътибор қаратган вилоят раҳбари, ушбу компания бундан атиги бир неча йил аввал кичик ишлаб чиқариш корхонаси сифатида иш бошлаганини эсга олди.

Таъсисчиларнинг 8 миллион доллар ўз маблағлари ҳамда 12 миллион доллар Алоқабанк кредити ҳисобига қисқа муддатда ташкил этилган корхонада, йиллик 2 миллион кв.м керамогранит плиталари ишлаб чиқарилади. Ишлаб чиқарилган маҳсулотнинг қарийб 15 миллион долларлик қисми хорижга экспорт қилинади, қолган катта қисми ички бозорга йўналтирилади. Корхонада 220 та янги иш ўрни яратилиб, ходимлар учун муносиб меҳнат шароити яратилган.

Бизни ижтимоий тармоқларда кузатинг
Facebook, Telegram, Facebook, YouTube, Instagram