Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA ERKAKLAR VA AYOLLAR O’RTASIDA VOLEYBOL BO’YICHA MARKAZIY OSIYO CHEMPIONATI START OLDI
2021-08-17 15:25:24 651
Farg’ona shahridagi ko’p tarmoqli “Samo” sport majmuasida voleybol bo’yicha birinchi Markaziy Osiyo chempionati start oldi. Qozog’iston, Qirg’iziston, Tojikiston hamda mamlakatimizning milliy terma jamoalari g’oliblik uchun o’zaro bellashadigan musobaqaning tantanali ochilish marosimida viloyat hokimining o’rinbosari Xurshidjon Ahmedov, Markaziy Osiyo Voleybol konfederatsiyasi hududiy kotibi Qilichbek Sarbagishov, O’zbekiston turizm va sport vazirligi mas'ullari ishtirok etdilar.
Ochilish marosimi bo’lib o’tgan turnirning ilk bellashuvida Qirg’iziston va Qozog’iston ayollar terma jamoalari kuch sinashdilar. Uchrashuv qozog’istonliklarning 3:0 (25:17, 25:22, 25:15) hisobidagi g’alabasi bilan yakun topdi. O’zbekiston va Tojikiston ayollar terma jamoalari uchrashuvida esa hamyurtlarimiz 3:0 (25:12,25:13,25:16) hisobida zafar quchishdi.
Musobaqa formatiga ko’ra, jamoalar dastlab guruhda o’zaro bir birlari bilan bellashishadi, so’ngra guruhda 1-o’rinni egallagan jamoa 4-o’rindagi jamoa, 2-o’rinni band qilgan jamoa esa 3-o’rin egasi bilan final yo’llanmasi uchun parketga chiqadi. Ushbu o’yinlar g’oliblari finalda, yengilgan jamoalar esa 3-o’rin uchun bahsda kurashishadi. Birinchi Markaziy Osiyo chempionati 22 avgustga qadar davom etadi.
Shuningdek, musobaqa doirasida Markaziy Osiyo davlatlari hakamlari uchun seminar-trening ham tashkil etilishi rejalashtirilgan.
Bizni ijtimoiy tarmoqlarda kuzating
Facebook,
Telegram,
Facebook,
YouTube
