1. Bosh sahifa

SO’X, SHOHIMARDON VA VILOYATIMIZNING BOSHQA AYRIM HUDUDLARIDA SOLIQ SOLISHNING ALOHIDA TARTIBINI NAZARDA TUTUVCHI SOLIQ REJIMI KIRITILDI

×

“O’zbekiston Respublikasining Soliq kodeksiga o’zgartish va qo’shimchalar kiritish to’g’risida”gi Qonun (O’RQ–714-son, 14.09.2021 y.) Prezident tomonidan imzolandi.

Kiritilgan ko’shimchalarga ko’ra, ayrim hududlarda soliq solishning alohida tartibini nazarda tutuvchi soliq rejimi kiritildi.

Alohida hududlar quyidagilardan iborat: 

● Farg’ona viloyatining So’x tumani; 

● Rishton tumanining Cho’ng’ara mahallasi; 

● Farg’ona tumanining Shohimardon, Yordon mahallalari va Hosilot mahallasining Toshtepa – 2-ko’chasi.

Ayrim hududlarda soliq stavkalari quyidagi miqdorlarda belgilanadi:

● foyda va daromad solig’i bo’yicha – 1 foiz;

● tadbirkorlar uchun har chorakda 25 ming so’m;

● ijtimoiy soliq bo’yicha:

● yuridik shaxslar uchun – 1 foiz;

● yakka tartibdagi tadbirkorlar uchun – yiliga BHMning kamida 1 baravari;

● aylanmadan olinadigan soliq bo’yicha – 1 foiz 

(Ushbu qoidalar 2021 yil 1 yanvardan yuzaga keladigan munosabatlarga nisbatan ham qo’llaniladi. Amalga oshirilgan soliq to’lovlari belgilangan tartibda qaytarib beriladi).

Davlat organlari soliq solish ob'ektlariga oid ma'lumotlarni soliq organlariga real vaqt rejimida elektron shaklda taqdim etadi.

Bizni ijtimoiy tarmoqlarda kuzating
Facebook, Telegram, Facebook, YouTube