1. Bosh sahifa

FARG’ONADA NAVBATDAGI TADBIRKORLAR QABULI O’TKAZILDI

×

Bugun Farg’ona shahridagi viloyat "Tadbirkorlar uyi"da viloyat hokimining birinchi o’rinbosari Avaz O’rinboyev hamda viloyat hokimi o’rinbosari - viloyat investitsiyalar va tashqi savdo boshqarmasi boshlig’i Iqboljon Ergashevlar ishtirokida tadbirkorlar qabuli tashkil etildi. Unda turli yo’nalishlarda faoliyat olib borayotgan 35 nafardan ziyod tadbirkorlarning murojaatlari eshitildi.

Fuqarolar sud-huquq, kadastr masalalari, bank krediti va yer-joy ajratish, kompensatsiya to’lovlarini undirish, xususiy maktab hamda uy-joy qurish uchun yer maydoni ajratish, ijara shartnoma muddatini uzaytirish, “Aqlli bekat” qurish, xususiy klinika tashkil etish, bo’sh turgan binoda mebel ishlab chiqarishni yo’lga qo’yish, fermer xo’jaligi yer maydoniga suv chiqarish uchun subsidiya ajratish, eko do’kon tashkil etish kabi turli masalalarda yechim talab qilinadigan murojaatlarni o’rtaga tashladilar. E'tiborlisi, qabulda nafaqat mahalliy tadbirkorlar, balki xorijlik investorlar ham qatnashdi.

Har bir murojaat viloyatdagi tegishli boshqarma va tashkilotlar rahbarlari, mas'ul shaxslar ishtirokida ko’rib chiqilib, qabul davomida hal etilishi mumkin bo’lganlariga amaliy yechimlar belgilandi. Ba'zi murojaatlarni ijobiy hal etilishi uchun qo’shimcha o’rganishlar olib boriladigan bo’ldi.

Shuningdek, qabulda qonuniy jihatdan qanoatlantirish imkoniyati mavjud bo’lmagan murojaatlar bo’yicha tadbirkorlarga tegishli tushuntirishlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube