1. Bosh sahifa

“YASHIL MAKON” UMUMMILLIY LOYIHASINI AMALGA OSHIRILISHI BO’YICHA QUVA TUMANIDA VILOYAT SEMINARI TASHKIL ETILDI

×

Quva tumanidagi “Tomorqa yer uchastkalarini rivojlantirish ilmiy-tajriba markazi”da viloyat hokimining qishloq va suv xo’jaligi masalalari bo’yicha o’rinbosari Alibek Tursunov ishtirokida “Yashil makon” umummilliy loyihasini tizimli amalga oshirish chora-tadbirlariga bag’ishlangan seminar bo’lib o’tdi.

Tadbirda tuman hokimlarining qishloq va suv xo’jaligi masalalari bo’yicha o’rinbosarlari, tuman agroinspektsiya bo’limi boshliqlari, o’simliklar karantini va himoyasi bo’limi boshliqlari, fermer, dehqon xo’jaliklari va tomorqa yer egalari kengashi raislari, paxta-to’qimachilik, g’allachilik, meva-sabzavotchilik hamda pillachilik klaster korxona rahbarlari, kun tartibidagi masalalarga aloqador barcha tashkilot va idoralar mas'ullari qatnashdilar. Unda 2021 yil kuz va 2022 yil bahor mavsumlarida manzarali, mevali daraxt, buta va tut ko’chatlarini ekish hamda talab etiladigan ko’chatlarni belgilangan tizim asosida joylarga yetkazib berish masalasi muhokama qilindi.

Xususan, viloyatda qariyb 15 million 300 ming dona mevali va manzarali ko’chatlarni ekish belgilangan bo’lib, tumanlarning iqlim sharoitlaridan kelib chiqib kashtan, lola daraxti, lipa, oqqayin, eman, yapon saforasi, katalpa, shumtol, qayrag’och, pavloniya, zarang, akatsiya, terak, chinor, hind sireni, jiyda, yong’oq va boshqa mevali daraxt ko’chatlari ekish, shuningdek 15 ta tumanda 1 million tupdan tut ko’chatlari parvarishlash rejalashtirilgan.

Seminarda bu borada har yili 25 mingdan ko’proq xonadonlarda o’rtacha 50 milliondan ziyod manzarali va mevali daraxt ko’chatlari yetishtirilayotgan Quva tumani tajribasi namuna sifatida ko’rsatib o’tildi. Oldinda turgan vazifalar kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube