1. Bosh sahifa

RISHTONDAGI BURHONIDDIN AR-ROSHIDONIY AL-MARG’INONIY ZIYORATGOHI HUDUDIDA YIRIK MA'RIFIY MARKAZ BARPO ETISH HAMDA “FIQH” ILMIY-AMALIY MARKAZINI TASHKIL ETISH REJALASHTIRILMOQDA

×

Viloyat hokimi Xayrullo Bozorov Rishton tumanidagi o’rganishlar jarayonida tumandagi Burhoniddin ar-Roshidoniy nomidagi “Sohibi Hidoya” ziyoratgohida bo’ldi. Xayrullo Bozorov, viloyat hokimligi tomonidan ishlab chiqilgan, Turkiya hamkorlik va muvofiqlashtirish agentligining xalqaro grantini jalb etgan holda ziyoratgohni rekonstruktsiya va restavratsiya qilish loyihasi bilan joyida tanishdi.

Ziyoratgohning “Sohibi Hidoya” deb atalishi fiqh ilmi, ya'ni Islom huquqshunosligining eng zabardast allomalaridan biri, “Burhoniddin val-Milla” (dinning va xalqlarning hujjati) nomi bilan sharaflangan buyuk olim Burhoniddin Ar-Roshidoniy Al-Marg’inoniyning fiqh ilmidagi shoh asari bo’lgan “Al-Hidoya”dan olingan bo’lib, forsiyda “Hidoya asarining egasi, ya'ni muallifi” degan ma'noni anglatadi.

Rejalashtirilayotgan loyihaga ko’ra, “Sohibi Hidoya” ziyoratgohi hududida yangi va zamonaviy bino-ishootlar qurilishi va uning negizida “Fiqh” ilmiy-amaliy markazi tashkil etish, kutubxona barpo etish, ziyorat turizmini yanada rivojlantirish masalalariga alohida e'tibor qaratilmoqda. 

Loyiha bilan tanishgan viloyat hokimi, yangi majmuada Burhoniddin Ar-Roshidoniy Al-Marg’inoniyning hayoti va asarlariga bag’ishlangan muzey tashkil etish taklifini ilgari surdi.

Bizni ijtimoiy tarmoqlarda kuzating
Facebook, Telegram, Facebook, YouTube