1. Bosh sahifa

O’ZBEKISTON RESPUBLIKASI DAVLAT BAYROG’I QABUL QILINGAN KUN FARG’ONADA KATTA TANTANA QILINDI

×

Dunyo uzra mustaqil O’zbekistonning bayrog’i hilpiray boshlaganiga 30 yil to’ldi. Bayrog’imiz xalqaro maydonda mamlakatimizning kuch-qudrati, mustaqilligimizning jahon aro ifodasi ramzi bo’lib xizmat qilmoqda.

Davlatimiz bayrog’i – o’tmish, bugun va kelajagimizning yorqin timsolidir. Bayroqda ruhiyatimiz, mehr-muhabbatimiz, g’urur va iftixorimiz, Vatanga, xalqqa, porloq kelajakka komil ishonchimiz mujassamdir. O’zbekistonimiz bayrog’i ham yurtimizda yashovchi 130 dan ziyod millat va elatlarni yagona maqsad va g’oya ostida birlashtiruvchi muqaddas qadriyat, millatlararo totuvlik belgisidir.

Shu munosabat bilan viloyatimizda ham O’zbekiston Respublikasi Davlat bayrog’i qabul qilingan kun munosib ravishda nishonlandi. Farg’ona shahridagi ko’p tarmoqli “Samo” sport majmuasida bayramning rasmiy qismi bo’lib o’tdi.

Tadbirni viloyat hokimining o’rinbosari Fayzullo Qosimov kirish so’zi bilan ochib berdi, hokim o’rinbosari o’z so’zida Bayroq xalqning buyuk qadriyatlaridan, uning o’zligini ifodalovchi yuksak xususiyatlaridan biri ekaniga to’xtalib, davlatchiligimiz tarixining barcha davrlarida bayroq ozodlik, kuch-qudrat, jasorat, g’alaba timsoli bo’lganiga alohida urg’u berdi.

Harbiy muassasalar, madaniyat va san'at vakillari ishtirokidagi musiqiy badiiy-kompozitsion chiqishlar yig’ilganlarga birdek manzur bo’ldi.

Bizni ijtimoiy tarmoqlarda kuzating
Facebook, Telegram, Facebook, YouTube