1. Bosh sahifa

VILOYAT HOKIMI BUVAYDA TUMANIDAGI HUNARMANDLAR MARKAZI HAMDA KICHIK SANOAT ZONALARI FAOLIYATI BILAN TANISHDI

×

Viloyat hokimi Xayrullo Bozorov, viloyat sektorlari rahbarlari bilan Buvayda tumanidagi o’rganishlar jarayonida yaqinda qurib foydalanishga topshirilgan Hunarmandlar markazi hamda kichik sanoat zonalari faoliyati bilan tanishdi.

Hunarmandlar markazida “Buvayda sumkalar” MChJ tomonidan xotin-qizlarga adras to’qish, gilam to’qish sirlarini o’rgatish bo’yicha ish tashkil etilgan. Shu bilan birga zamonaviy sumkalar ishlab chiqarish ham yo’lga qo’yildi. Natijada 100 dan ziyod ish o’rni yaratilgan.

Hunarmandlar markaziga tutash hududda 1,2 gektar maydonda joylashgan “Yangiqo’rg’on” kichik sanoat zonasida investitsion loyihalarni joylashtirish hamda ularni amalga oshirilishiga ko’maklashish borasida yetarli darajada ish tashkil etilmagani viloyat hokimi tomonidan tanqid qilindi. Sektor rahbarlariga kichik sanoat zonasida joylashtirilishi belgilangan 9 ta loyihani amalga oshirilishini tezlashtirish bo’yicha topshiriq berildi. Ushbu topshiriq nazorati viloyat hokimligi huzuridagi “Kichik sanoat zonalarini boshqarish direktsiyasi” davlat unitar korxonasi rahbariga yuklatildi.

Bizni ijtimoiy tarmoqlarda kuzating
Facebook, Telegram, Facebook, YouTube