Fergana.uz - ADABIYOT YASHASA, MILLAT YASHAR! – VILOYATIMIZDA BO’LIB O’TGAN “ADABIYOT KUNLARI” KATTA NAZM VA NAVO KECHASI BILAN YAKUNLANDI

Farg'ona viloyati hokimi
Hayrullo Hayitbayevich Bozarov

Ijtimoiy tarmoqlar

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati

<<	Dekabr 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

.

Saytni baholash

Hozir saytda 80 nafar foydalanuvchi Ishonch telefoni statistikasi
Ishonch telefoniga berilgan baholar

ADABIYOT YASHASA, MILLAT YASHAR! – VILOYATIMIZDA BO’LIB O’TGAN “ADABIYOT KUNLARI” KATTA NAZM VA NAVO KECHASI BILAN YAKUNLANDI

2021-12-04 09:10:52 211

PDF yuklash

Chop etish

Islom Karimov nomidagi teatr-kontsert saroyida viloyatimizda katta tantanalar bilan tashkil etilgan “Adabiyot kunlari” doirasidagi tadbirlar yakuniga bag’ishlangan adabiy-ma'rifiy kecha bo’lib o’tdi.

Davlatimiz rahbarining adabiyotga, ma'naviyatga bo’lgan yuksak e'tiborlaridan va madaniy hayotimiz ravnaqi borasidagi qaror va topshiriqlaridan kelib chiqib, viloyat hokimi Xayrullo Bozorovning joriy yilning 23 oktyabr kuni qabul qilgan farmoyishiga asosan o’tkazilgan “Adabiyot kunlari” Respublikamizdagi taniqli yozuvchi va shoirlar, dramaturglar, jurnalistlar, olimlar, adabiyotshunoslar, yoshlar va adabiyot ixlosmandlarini o’n kun davomida o’zida jamladi.

Bugungi tadbir so’zni muqaddas deb bilgan ajdodlarimizning, adabiyot namoyandalarining siymolari gavdalangan teatrlashgan sahna chiqishlari bilan boshlandi.

Hazrat Navoiy, Uvaysiy, Anbar otin she'riyatidan go’zal baytlar aytildi. Erkin Vohidov qalamiga mansub “Inson o’zing” qasidasi esa turli tillarda kuylandi.

Anjumanda qatnashgan viloyat hokimi Xayrullo Bozorov bunday adabiyot bayramlari davomli bo’lishini, faqat markazlarda emas, balki chekka-chekka hududlarda ham har chorakda bir marotaba adabiy tadbirlar, forumlar tashkil etish rejasi ishlab chiqilayotganinini ta'kidladi. Mehmonlarga tashrif uchun minnatdorchilik bildirdi.

Adabiyot kunlaridagi faol ishtiroki uchun bir guruh ijodkorlar va ularning oila a'zolariga farg’onacha lutf bilan esdalik sovg’alari topshirildi.

Tadbir davomida so’z olgan mehmonlar ham ushbu adabiyot bayramini uyushqoqlik bilan o’tkazishga hissa qo’shgan viloyat hokimligi va farg’onalik ijod ahliga tashakkur aytdilar. Sahnada go’zal she'rlar, O’zbekiston xalq shoirlari Erkin Vohidov va Anvar Obidjon qalamiga mansub qo’shiqlar yangradi. Taniqli san'atkorlar ishtirokidagi kontsert dasturi barchaga ko’tarinkilik ulashdi.