1. Bosh sahifa

2021 YILDA FARG’ONA VILOYATI EKSPORTI HAJMI 756,3 MILLION DOLLARGA TENG BO’LDI. 2020 YILGA NISBATAN 200 MILLION DOLLARDAN ORTIQ O’SISH QAYD ETILDI

×

Farg’ona viloyatida 2021 yil yanvar-dekabr oylarida amalga oshirilgan eksport hajmi 756,3 mln. AQSh dollarini tashkil etib, 2020 yilga nisbatan o’sish 202,1 million dollarga yoki 36,4 foizga teng bo’ldi.

Jumladan, sanoat mahsulotlari eksporti hajmi 541,8 mln. dollarni (2020 yilga nisbatan 194 million dollar yoki 55,7 foizga ko’p) va qishloq xo’jaligi mahsulotlari eksporti hajmi 214,5 mln. dollarni (2020 yilga nisbatan 8,1 million dollar yoki 4,0 foizga ko’p) tashkil etdi.

Viloyatimizning sanoat mahsulotlari eksportida asosiy ulushlarni kalava ip (389,6 mln. dollar), mato (43,1 mln. dollar), tayyor tikuv-trikotaj mahsulotlari, (35,3 mln. dollar), un (29,8 mln. dollar), qurilish materiallari (17,8 mln. dollar), mineral o’g’itlar (14,0 mln. dollar), poyabzal (7,2 mln.dollar), supurgi (5,0 mln. dollar) egallaydi.

Meva-sabzavot mahsulotlari eksportida asosiy ulushlarni gilos (50,3 mln. dollar), uzum (45,8 mln. dollar), shaftoli (28,1 mln. dollar), pomidor (12,4 mln. dollar), quritilgan meva-sabzavotlar (15,0 mln. dollar), o’rik (4,8 mln. dollar), olxo’ri (5,6 mln. dollar), anor (6,0 mln. dollar), xurmo (9,2 mln. dollar), dukkakli mahsulotlar (7,2 mln. dollar), poliz mahsulotlari (4,6 mln. dollar), qalampir (1,2 mln. dollar), va boshqa mahsulotlar tashkil etadi.

Farg’ona viloyati tadbirkorlari tomonidan yetishtirilgan va ishlab chiqarilgan mahsulotlari 2020 yilda dunyoning 62 ta davlatiga eksport qilingan bo’lsa, 2021 yilda 70 ta davlatga eksport amalga oshirilgan. Eksport geografiyasi Avstriya, Gvatemala, Dominikan Respublikasi, Kanada, Shimoliy Makedoniya va Chili davlatlari hisobiga kengaydi.

Bizni ijtimoiy tarmoqlarda kuzating
Facebook, Telegram, Facebook, YouTube