Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FURQAT TUMANIDA 20 NAFAR BOLAJONNING SUNNAT TO’YI O’TKAZILDI
2022-01-09 19:33:18 272
Inson qadrini ulug’lashga qaratilgan xayrli tadbirlar yil boshidanoq Farg’onada keng quloch yozdi. Xususan, bugun Furqat tumanidagi “Navo” tantanalar majmuasida Furqat tumanida istiqomat qiluvchi 15 nafar va Dang’ara tumanida yashovchi 5 nafar “Temir daftar”ga kiritilgan fuqarolarning farzandlari uchun sunnat to’ylari o’tkazildi.
Viloyat va tuman hokimliklari, viloyat ichki ishlar boshqarmasi hamkorligida amalga oshirilgan xayrli tadbir, ayniqsa, ota-onalar va bolajonlarning yaqinlariga bir olam quvonch ulashdi.
Tantanada so’zga chiqqan viloyat hokimining o’rinbosari – viloyat Mahalla va oilani qo’llab-quvvatlash boshqarmasi boshlig’i Bahodir Xoliqov kelajagimiz egalariga e'tibor Prezidentimiz rahbarligida mamlakatimizda olib borilayotgan islohotlarda asosiy o’rin tutayotganini ta'kidladi. Aholining hayotdan rozi bo’lib yashashini ta'minlash, jamiyatda o’zaro hamjihatlik, mehr-oqibat, bag’rikenglik hamda xayr-sahovat muhitini yanada mustahkamlashga Farg’onada ham katta e'tibor qaratilayotganligini aytib o’tdi. To’ylari o’tkazilayotgan bolajonlar orasidan kelgusida yetuk fidoyi insonlar yetishib chiqishiga ishonch bildirdi.
Shundan so’ng to’y bolalarning har biriga davlat idoralari va homiylar tomonidan tayyorlangan bosh-oyoq sarpo, turli o’yinchoqlar hamda velosipedlar sovg’a qilindi.
Tuman madaniyat bo’limi ijodkorlari tomonidan ijro etilgan kuy-qo’shiqlar tadbirga yanada ko’tarinkilik bag’ishladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube
