Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
QUVADA YANGI ISH O’RINLARI YARATILADI: SANOAT ZONALARI TASHKIL ETILIB, ADIR VA TOSHLOQ YERLAR O’ZLASHTIRILMOQDA
2022-01-19 12:13:05 368
Viloyat hokimi Xayrullo Bozorov Quva tumanidagi o’rganishlari davomida “Turk” MFY dagi “Turk-2” kichik sanoat zonasi hamda “Turk-2” yoshlar kichik sanoat zonasidagi loyihalar bilan tanishdi.
Ishlab chiqarish maydoni 6 gektardan iborat bo’lgan “Turk-2” kichik sanoat zonasi jami 59 ta lotlarga ajratilgan. Qiymati 35.6 mlrd.so’mlik 40 ta loyiha joylashtirilib, buning natijasida 470 tadan ziyod yangi ish o’rinlari yaratilishi belgilangan. Hozirda 30 ta loyiha bo’yicha qurilish ishlari olib borilmoqda. Mebel ishlab chiqarish, shirinliklar tayyorlash, sutni qayta ishlash va boshqa yo’nalishlarda tadbirkorlar o’z faoliyatlarini boshlash arafasida.
“Turk-2” yoshlar kichik sanoat zonasining umumiy yer maydoni esa 7.34 gektar bo’lib, shundan ishlab chiqarish maydoni 5.71 gektardan iborat. Ushbu kichik sanoat zonasi 59 ta lotlarga ajratilgan. Hozirda umumiy qiymati 33.6 mlrd. so’mlik 47 ta loyiha joylashtirilgan. Ular ishga tushsa 450 o’rindan ziyod yangi ish joylari yaratiladi. Tikuvchilik, qurilish mollari ishlab chiqarish va boshqa yo’nalishlarda tadbirkorlar ish boshlaydilar. Viloyat hokimiga mana shular xususida ma'lumotlar berildi. Ishbilarmonlar bilan muloqotda viloyat rahbari kommunikatsiya tarmoqlari bilan bog’liq masalalar ham tez fursatlarda to’la hal etilishini aytib, mutasaddilarga zarur topshiriqlar berdi.
Viloyat hokimi tumandagi Sherbo’tayev MMTP hududida yangi o’zlashtirilayotgan yerlarni ham borib ko’rdi. Fermer Karimjon Ashurov o’tgan yildan buyon qariyb 80 gektar toshloq yerni o’zlashtirganligini, ayniqsa, xorijdan tosh maydalaydigan texnika olib kelganidan so’ng ishlar yanada jadal tus olganligini aytib o’tdi. U ertapishar o’rik navlarini ekib, erta bahordan bog’ yaratish ishlariga kirishishini ma'lum qildi.
Shuningdek, Turkiya texnologiyasi asosida bir kunda 50 gektar maydonga suv yetkazib berish imkoniga ega bo’lgan sug’orish tizimini yo’lga qo’yganligi faoliyatini samarali bo’lishida qo’l kelishini ta'kidladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
