Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
TADBIRKOR MAHALLA HUDUDIDA BOG’CHA, SPORT MAJMUASI, FUTBOL INTERNATI, O’QUV MAKTAB QURILISHINI BOSHLADI
2022-01-22 21:47:51 427
Viloyat hokimi Xayrullo Bozorov Oltiariq tumanidagi o’rganishlari davomida “G’ayrat” mahalla fuqarolar yig’ini hududida qad rostlagan “Sevinch” maktabgacha ta'lim tashkilotida bo’ldi.
Tadbirkor Mirzamahmud Boymirzayevning say'-harakatlari bilan qurilgan maskan 150 o’ringa mo’ljallangan. 6 milliard 275 million so’m sarmoya kiritilgan muassasada 35 ta yangi ish o’rinlari yaratildi.
Tadbirkor bog’chada yaratilgan sharoitlar bilan tanishtirar ekan, bank krediti va o’z mablag’i hisobidan bo’sh turgan bino va qarovsiz manzilda amalga oshirilgan ishlar haqida ma'lumot berdi.
Shuningdek, boshlang’ich sinflar uchun 1 mlrd. so’mdan ziyod mablag’ evaziga xususiy maktab faoliyatini ham yo’lga qo’yganligini aytib o’tdi. U yerda hozirda 10 nafar bolajonlar ta'lim olmoqda.
Bundan tashqari, Mirzamahmud Boymirzayev shu hududda 200 o’rinli nodavlat maktabgacha ta'lim tashkiloti hamda sport majmuasi, futbol internati, o’quv maktab qurilishi rejalashtirilayotgan loyihalarni ham viloyat rahbariga taqdim qildi. Milliy bankdan 1,5 mlrd. so’m bank kreditini olishda amaliy ko’mak so’radi. Tadbirkor tashabbusi viloyat rahbari tomonidan qo’llab-quvvatlanib, unga yordam berish uchun mutasaddilarga topshiriq berildi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
