1. Bosh sahifa

“ANDARXON”DA QOVUNCHILIK KLASTERI TASHKIL ETILADI

×

Viloyat hokimi Xayrullo Bozorov Beshariq tumanidagi o’rganishlari davomida “Andarxon” MFYda bo’lib, 11 mlrd. so’m mablag’ evaziga davlat-xususiy sheriklik tamoyili asosida qurib bitkazilgan, barcha qulayliklarga ega mahalla fuqarolar yig’ini binosining ochilish marosimida ishtirok etdi.

Mahalla fuqarolar yig’ini raisi, hokim yordamchisi, nuroniylar va qishloq ahli bilan samimiy suhbatlashdi.

Muloqotda andarxonliklar hududning “o’sish nuqtasi” qovunchilikni rivojlantirish ekanligini ma'lum qildilar. Chunki, MFYda 845 tadan ziyod xonadonlar bo’lib, qadimdan qovun saqlash sirlarini o’zlashtirib kelgani sabab aholi 70-80 foiz xonadonlarda qovunchilik bilan shug’ullanadi. 

Saqlash joylarida bo’rikalla, qirqma, umrboqiy, kampirto’n va boshqa navdagi qovunlar saqlanadi. Qishloq ahli asosan, Jizzax va Sirdaryo viloyatlarida dehqonchilik qiladi. Shirindan shakar qovunlarni saqlashda qishloq hududining geografik joylashuvi ham muhim ahamiyatga ega. Hududning o’ziga xos shamoli va saqlash joylari qovunlarni hatto may oyigacha saqlash imkonini beradi.

Qishloqdagi Sharipovlar xonadonida bo’lgan viloyat hokimi oila daromadi bilan qiziqdi. Xonadon vakillari bir yilda 1 gektar yerdan sarf-harajatlardan tashqari 20 mln. so’mdan ortiq daromad qilishini aytishdi.

93 yoshli otaxon Shamsiddin Isomiddinov ham mehmonlarni o’z uyiga taklif qilib, xonadonda saqlanayotgan qovunlarni ko’rsatdi.

Andarxon qovunlaridan ta'tib ko’rgan viloyat rahbari bunday shirin qovunlarga xorijliklar, xususan, yaponiyaliklar ham katta qiziqish bildirishganini ta'kidladi.

Tegishli viloyat hamda tuman mutasaddilari bilan birgalikda barcha amaliy chora-tadbirlarni belgilab, qovunchilik klasterini tashkil etish bo’yicha topshiriq berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram