1. Bosh sahifa

VILOYAT HOKIMI XAYRULLO BOZOROV SO’X TUMANIDA BO’LDI

×

Tumanning “Javpaya” massivida o’zlashtirilayotgan maydonlarda issiqxonalar qurilishi jarayonlarini ko’zdan kechirgan viloyat rahbari, hududdan yer maydoni olgan fuqarolar hamda hokimning mahalladagi yordamchilari bilan muloqot qildi.

Bugungi kungacha bu yerda jami o’zlashtirish rejalashtirilgan 1000 gektar maydonning dastlabki 80 gektarida 141 ta issiqxona uchun yer maydonlari kavlab berilgan bo’lib, 93 tasida qurilish ishlariga kirishilgan. Aholiga issiqxona uchun imtiyozli kredit taqdim etilgan. 20 dan ziyod 10 sotixli issiqxonalarda qurilish ishlari yakunlanib, limon ko’chatlari o’tqazildi, oralariga pomidor, bodring, qalampir va karam ekinlari ekildi. 20 ta ehtiyojmand oilaga esa issiqxonalar bepul barpo etilmoqda.

Ishlash uchun xorijga bormasdan, o’z uylarida yashab mehnat qilish imkoniyatiga hamda doimiy manbaiga ega bo’lgan so’xliklar, o’zlariga bo’lgan alohida e'tibor uchun Davlatimiz rahbariga minnatdorchiliklarini izhor qilishdi.

Viloyat rahbari Javpaya massiviga suv va elektr ta'minotini yo’lga qo’yish bo’yicha amalga oshirilayotgan ishlarni ko’zdan kechirdi. Bu yerga sekundiga 200 litr suv tortish quvvatiga ega 5 ta nasosdan iborat stantsiya yordamida Qalacha arig’idan 426 mm diametrli quvur bilan 5 km tarmoq tortib, 223 metr balandlikka suv chiqarish, hududni suv tejovchi texnologiyalar bilan sug’orish rejalashtirilgan. Bu maqsadda jami 21 milliard so’m mablag’ viloyat mahalliy byudjeti hisobidan yo’naltirilmoqda.

Shuningdek, 4,6 km elektr tarmog’i tortish va quvvati 250 kVA transformator o’rnatish bo’yicha ishlar davom etmoqda.

Xayrullo Bozorov So’x tumani aholisi bandligini ta'minlash hamda ularni doimiy daromadga ega bo’lishlarida katta ahamiyatga ega bo’lgan ushbu loyiha doirasidagi ishlarni jadallashtirish bo’yicha mutasaddilarga qat'iy topshiriqlar berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram