1. Bosh sahifa

OLIY SUD RAISI VILOYATIMIZ TUMANLARIDA IJARAGA QISHLOQ XO’JALIGI YERLARIDAN FOYDALANISH HUQUQINI QO’LGA KIRITGAN FUQAROLAR BILAN UCHRASHDI 

×

O’zbekiston Respublikasi Oliy sudi raisi Kozimjon Komilov bugun viloyatimizning Oltiariq, Quva, Qo’shtepa va Yozyovon tumanlarida bo’lib, qishloq xo’jaligi yer maydonlarini ijaraga olish huquqini qo’lga kiritgan fuqarolar bilan muloqot o’tkazdi.

O’zbekiston Respublikasi Prezidentining 2021 yil 23 noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq ho’jaligi ishlab chiqarishida dehqon xo’jaliklarining ulushini oshirish chora-tadbirlari to’g’risida”gi Qarori va O’zbekiston Respublikasi Vazirlar Mahkamasining 2021 yil 24 noyabrdagi “Qishloq xo’jaligiga mo’ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to’g’risida”gi Qaroriga muvofiq qishloq xo’jaligiga mo’ljallangan yerlar barcha turdagi qishloq xo’jaligi tovar ishlab chiqaruvchilari ishtirok eta oladigan ochiq elektron tanlov yakunlariga ko’ra faqat ijara huquqi asosida ajratiladi. 

Qishloq xo’jaligi yerlarini elektron savdo maydonchasi orqali ijaraga berish joriy yilning yanvar oyidan boshlab yo’lga qo’yildi. Bugungi kunda yangi tizim shaffoflik asosida talabgorlar orasidan g’oliblarni aniqlab bermoqda.

Tumanlarda bo’lib o’tgan uchrashuvlarda Oliy sud raisi tomonidan fuqarolarga ijaraga olingan yerlardan samarali foydalanish bo’yicha huquqiy tushuntirishlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram