1. Bosh sahifa

SINGAPUR KOMPANIYASI FARG’ONADA INVESTITSION LOYIHALARNI AMALGA OSHIRISHNI REJALASHTIRMOQDA

×

Viloyat hokimining o’rinbosari Iqboljon Ergashev, O’zbekistonning Singapurdagi elchisi Qahramon Shokirov va Singapurning qurilish sohasidagi eng ilg’or kompaniyalaridan bo’lgan “TiongSeng Group”ning strategiya va rejalashtirish departamenti boshlig’i Darius Lim bilan onlayn uchrashuv bo’lib o’tdi.

Dunyoning qator mamlakatlarida shahar infratuzilmalari, xususan maktablar, mexmonxonalar, turar joy majmualari, biznes markazlari qurilishi bilan shug’ullanib keluvchi ushbu kompaniya viloyatimizdagi qurilish loyihalarida ham qatnashishga katta qiziqish bildirdi.

Kompaniya an'anaviy standart qurilish usullari bilan bir qatorda tejamkor tayyor bloklarni qurish mexanizmini, ya'ni modullar asosida qurilishi mo’ljallangan binoning bloklarini alohida tayyorlab, so’ngra binoni lego uslubida ko’tarish tizimini joriy etgan. Bu jarayon orqali kam mehnat sarfi bilan, tez va sifatli tarzda osmono’par binolarni qurish imkoniyati yuzaga keladi.

Singapur tomonining qator takliflari o’rganib chiqilgach tez orada viloyatimizning qurilish borasida yetakchi bo’lgan firmalari va mutasaddi tashkilotlari ishtirokida navbatdagi onlayn muloqot amalga oshirilishiga va amaliy hamkorlikka kirishishga kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram