1. Bosh sahifa

FARG’ONALIK TADBIRKORLAR UCHUN BIZNES-TRENING TASHKIL ETILDI

×

Farg’ona shahridagi "Tadbirkorlar uyi"da viloyat hokimligi, viloyat Investitsiyalar va tashqi savdo boshqarmasi “Farmadad Invest” loyiha guruhi tashabbusi bilan farg’onalik ishbilarmonlar uchun biznes-trening tashkil etildi.

Tadbirni viloyat hokimining o’rinbosari Iqboljon Ergashev ochib berdi. U o’z so’zida viloyatimiz aholisi qadim-qadimdan savdo-sotiq, tadbirkorlik bilan shug’ullanib kelgani, katta tajriba va ko’nikmaga ega ekanligini qayd etdi. Biroq, bugungi kunda sohaga yangiliklar joriy qilinib, hukumatimiz tomonidan qabul qilinayotgan tegishli qarorlar, me'yoriy hujjatlarda ishbilarmonlarga ko’plab imkoniyatlar, imtiyozlar berilayotgani, bundan esa samarali foydalanish zarurligini ta'kidladi. Biznes-trening tashkil etilishi ana shunday talab va ehtiyojdan kelib chiqib amalga oshirilayotganligiga e'tibor qaratdi.

Shundan so’ng respublikamizda tadbirkorlik sohasida yaxshi yutuq va natijalarga erishib kelayotgan taniqli ishbilarmonlar o’z faoliyatlarida yo’l qo’ygan xato va kamchiliklar, tajribalar haqida to’xtalishdi. 

Ayni paytda eksport salohiyatini oshirish, import o’rnini bosuvchi mahsulotlar ishlab chiqarish, ishlab chiqarilgan mahsulotlarga haridor topish yo’llari, biznesda sotuv bilan savdoning farqi, kuchli jamoani shakllantirish va xodimlarni boshqarish, biznesni avtomatlashtirish, investitsiyaning oltin qoidalari kabi mavzularda biznes-trenerlar tomonidan mashg’ulotlar davom ettirilmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram