1. Bosh sahifa

SUVHIDDIN OTA SHAROFIDDINOV: VATAN RAVNAQIGA HISSA QO’SHGAN INSON ALBATTA, NATIJAGA, SAMARAGA ERISHADI

×

Prezidentimizning “Xalqlar do’stligi kuni munosabati bilan bir guruh faollarni mukofotlash to’g’risida”gi farmoniga asosan Co’x tumani nuroniylar jamoatchilik kengashi faoli Suvhiddin ota Sharofiddinov “Mehnat shuhrati” ordeni bilan taqdirlandi.

Ravon qishlog’ida istiqomat qilayotgan otaxonni ushbu yuksak mukofot bilan tabriklash uchun tuman hokimi Sayidbahrom Sayidmusayev boshchiligidagi sektorlar rahbarlari otaxonning xonadonida bo’lib, dildan gurunglashdilar.

– Mehnat va sidqidildan qilingan sa'y-harakat, Vatan ravnaqiga hissa qo’shgan inson albatta, natijaga, samaraga erishadi. Inson halol mehnat qilsagina kamolotga yetadi, hurmat va izzatga sazovor bo’ladi. Bugun mendan baxtli inson yo’q, chunki Prezidentimizning e'tibori tufayli Vatanning ushbu yuksak mukofotiga sazovor bo’ldim. Bu mukofot e'tibor va e'tirof natijasidir. Yoshlarga nasihatim – halol mehnat qiling, albatta, ajrini ko’rasiz, - deydi otaxon. 

Suvhiddin ota Sharofiddinovning asl kasbi - o’qituvchilik. Bir necha yil boshlang’ich sinflar muallimi sifatida faoliyat olib borgan. Hayotining asosiy qismini xalq xizmatiga bag’ishlagan. Nafaqaga chiqqunga qadar mahalla raisi bo’lib ishlagan Suvhiddin ota bugun qarilik gashtini surmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram