1. Bosh sahifa

FARG’ONADA IXTIROCHI AYOLLAR SARALAB OLINDI

×

Farg’ona politexnika institutida Oila va xotin-qizlar davlat qo’mitasi va O’zbekiston Ixtirochi ayollari markazi tashabbusi bilan iqtidorli xotin-qizlar faoliyatini rag’batlantirib borish maqsadida o’tkazilib kelinayotgan “O’zbekiston ayollarining 100 ta eng yaxshi innovatsion loyihasi” respublika tanlovining viloyat bosqichi bo’lib o’tdi.

 Tanlovning dastlabki bosqichida g’olib bo’lgan 100 nafar olima, tadbirkor va hunarmand ayollar belgilangan nominatsiyalar bo’yicha o’z loyihalari bilan ishtirok etdilar.

Tadbirda viloyat Oila va xotin-qizlar boshqarmasi boshlig’i o’rinbosari Gulnora Jo’rayeva, viloyat Ixtirochi ayollar uyushmasi rahbari Kamola Hakimovalar ishtirok etib, tanlovning ahamiyati va nufuzi haqida to’xtalib, ishtirokchilarga omad tilashdi.

Tanlov ishtirokchilari eng yaxshi ixtiro va foydali model nominatsiyasi, eng yaxshi sanoat namunasi selektsiya yutug’i va ratsionalizatorlik, eng yaxshi AKTni rivojlantirish bo’yicha innovatsion loyiha, tibbiyot sohasidagi innovatsion loyiha, eng samarali innovatsion loyiha, eng yaxshi pedagogik texnologiyalar bo’yicha eng yaxshi loyiha, iqtidorli qizning eng istiqbolli innovatsion g’oyasi, eng yaxshi biznes loyiha, “Omadli start” nominatsiyasi, hunarmand xotin-qizlarning eng yaxshi innovatsion loyihasi nominatsiyalari bo’yicha o’z bilim va mahoratlarini sinovdan o’tkazdilar.

Ishtirokchilar tomonidan taqdim etilgan barcha loyihalar ekspertlar kengashi a'zolari tomonidan o’rganib chiqilib, g’oliblarga tanlovning respublika bosqichiga yo’llanmalar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram