1. Bosh sahifa

“UZBEKISTAN AIRWAYS” AVIAKOMPANIYASI VAKILLARI FARG’ONADA TADBIRKORLAR BILAN UCHRASHDI

×

Bugun Farg’ona shahridagi “Tadbirkorlar uyi”da “Uzbekistan Airways” aviakompaniyasi rahbariyati tomonidan sayyor qabul tashkil etildi. Unda viloyat hokimining o’rinbosari Xurshid Ahmedov, “Uzbekistan Airways” AJ boshqaruv raisining tijorat va turizm bo’yicha o’rinbosari Shuhrat Xudayqulov, soha mas'ullari hamda tadbirkorlar qatnashdi.

Ochiq muloqotda aviakompaniyada amalga oshirilayotgan yangi loyihalar va rejalar haqida ma'lumot berildi. Tadbirkorlarga, yo’lovchilarga yaratilgan qulayliklar, onlayn xizmatlar bo’yicha to’xtalib o’tildi.

“Maqsadimiz tadbirkorlar bilan yuzma yuz suhbatlashib, ularning taklif va istaklarini o’rganish va yuzaga kelayotgan kamchiliklarni bartaraf etishdan iborat”, - deyishdi aviakompaniya vakillari.

Sayyor qabulda sayyohlik firmalari faoliyatini yanada jonlantirish uchun Farg’ona xalqaro aeroportidan yangi yo’nalishlarni tashkil etish, viloyatda yetishtirilgan qishloq xo’jaligi mahsulotlarini aviareyslar orqali jahon bozorlariga olib chiqish uchun hujjatlarni rasmiylashtirish jarayonlarini soddalashtirish va boshqa turli masalalarda savollar va takliflar o’rtaga tashlandi.

“Uzbekistan Airways” aviakompaniyasi vakillari ishtirokchilar savollariga javoblar berib, takliflar o’rganib chiqilishini va tadbirkorlar bilan doimo ochiq muloqotga tayyor ekanliklarini yana bir bor ta'kidlashdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram