1. Bosh sahifa

SO’XDA “YANGI O’ZBEKISTONDA EL AZIZ, INSON AZIZ” SHIORI OSTIDA TARG’IBOT TADBIRI BO’LIB O’TDI

×

So’x tumanida mamlakatimiz mustaqilligining 31 yilligiga bag’ishlangan “Yangi O’zbekistonda el aziz, inson aziz” shiori ostida targ’ibot tadbiri bo’lib o’tdi. Unda Ma'naviyat va ma'rifat markazi hududiy bo’linmalari rahbarlari, shoir va yozuvchilar, targ’ibotchilar ishtirok etishdi.

Tadbirda so’z olganlar buyuk istiqlolimiz taqdim etgan tengsiz ne'mat – tinchlik va xotirjamlik, keyingi yillarda “Inson qadri uchun” tamoyili asosida amalga oshirilayotgan ilohotlar, xususan, So’x tumanida olib borilayotgan bunyodkorlik ishlari haqida to’lqinlanib gapirdilar. Millatlararo totuvlik, diniy bag’rikenglik g’oyalarining fuqarolar qalbida yuz ko’rsatayotgan g’unchalari, yurt ishiga kamarbasta bo’lib kelayotgan so’xlik fidoyi insonlar tashabbuslari borasida so’zladilar.

Tuman madaniyat markazida mahalla fuqarolar yig’inlari raislari, faol xotin-qizlar, maktab rahbarlari va tadbirkorlar ishtirokida “So’x tumani: ma'naviy-ma'rifiy sohadagi islohotlar samaradorligi” mavzusida amaliy ko’rgazmali seminar bo’lib o’tdi.

Seminar yakunida bir guruh ma'naviyat targ’ibotchilari hamda sohada fidoyilik ko’rsatayotgan mas'ullar Ma'naviyat va ma'rifat markazi viloyat bo’limi tomonidan tashakkurnomalar, esdalik sovg’alari bilan taqdirlanishdi, kitoblar tarqatildi.

Shuningdek, tadbir ishtirokchilari tumanda amalga oshirilayotgan bunyodkorlik, obodonchilik ishlari bilan tanishdilar. “Chashma” bulog’i, “Hazrat Ali” ziyoratgohiga borildi, bu yerlarga tashrif buyuruvchilar bilan dildan suhbatlar qurildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram