Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VILOYATIMIZDA “ARMI – 2022” XALQARO ARMIYA O’YINLARI DOIRASIDA “YO’L PATRULI” XALQARO MUSOBAQASI BO’LIB O’TADI
2022-08-12 10:12:06 214
Milliy armiyaning kuch-qudrati va salohiyati, yurt himoyachilarining kasbiy tayyorgarligini amalda yaqqol namoyon etadigan “ArMI – 2022” Xalqaro armiya o’yinlarining bu yilgi “Yo’l patruli” musobaqasiga Farg’ona viloyati mezbonlik qilmoqda.
16 avgust kuni start oladigan “Yo’l patruli” musobaqasi o’tkaziladigan Sharqiy harbiy okrug tarkibiga kiruvchi Qo’qon shahridagi harbiy qism o’quv markazida bahslarga tayyorgarlik jarayoni qizg’in pallaga kirgan. Unda Belarus, Marokash, Eron Islom Respublikasi, Rossiya Federatsiyasi va O’zbekistonning ikki jamoasi sovrinli o’rinlar uchun kurash olib borishi rejalashtirilgan. Bugungi kunda ishtirok etadigan jamoalar viloyatimizga yetib kelishdi.
Musobaqa ishtirokchilari – harbiy avtomobil nazorati inspektsiyasi mutaxassislari bu yilgi “Yo’l patruli” musobaqasida 98 ot kuchiga ega, dvigatel hajmi 1,5 litr sig’imli mexanik boshqaruv tizimli Neksiya-3 rusumli avtomobillarda o’zlariga topshirilgan vazifalarni bajarishadi.
“Yo’l patruli” bahslari ikki bosqichda – mutaxassislar bellashuvi hamda harbiy-texnik estafeta (jamoaviy poyga) ko’rinishida o’tkaziladi. Dastlabki bosqichda ishtirokchilardan avtomobillarni ekstremal vaziyatlarda avariyaga qarshi elementlarni bajarish mahorati, belgilangan marshrutda individual poyga, inspektorlar tomonidan yo’l harakatini boshqarish, mashina g’ildiraklarini almashtirish va avtomobilni ekstremal yonma-yon to’xtatish mashqlarini bajarish talab etiladi.
Harbiy-texnik estafeta (jamoaviy poyga) hisoblanuvchi ikkinchi bosqichda esa maxsus kiyim va jangovar qurol bilan maxsus asfalt yo’lagini bosib o’tadilar. Yo’lakni bosib o’tish jarayonida musobaqa qatnashchilari o’zlariga biriktirilgan avtomobillarda o’rnatilgan to’siqlardan bexato o’tish va turli sinov mashqlarini bajarishadi.
“Yo’l patruli” musobaqasida qatnashayotgan mamlakatimizning har ikki jamoasi hamda mehmonlar yuqorida sanab o’tilgan bahslar bo’yicha puxta tayyorgarlik ko’rishgan.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
