Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
PLANKTON KNITWEAR: MARG’ILONNING EKSPORT MAHSULOTLARI RO’YXATIDA YANGI BREND!
2022-08-13 21:41:19 446
Bugun Marg’ilon shahridagi Yorqin MFYda erkaklar va ayollar ustki kiyimlari ishlab chiqarishga ixtisoslashgan “Tang Group” MChJning ochilish marosimi bo’lib o’tdi. Tadbirda viloyat hokimining o’rinbosari – investitsiyalar va tashqi savdo boshqarmasi boshlig’i Iqboljon Ergashev qatnashdi.
Ochilish tadbirida so’z olganlar “Yangi O’zbekistonda el aziz, inson aziz!” shiori ostida o’tishi belgilangan Mustaqilligimizning 31 yillik tantanalari oldidan ish boshlayotgan bunday korxonalar farg’onaliklarga o’ziga xos bayram tuhfasi bo’layotganini ta'kidlashdi.
Shundan so’ng marg’ilonlik nuroniylar, faollar va keng jamoatchilik vakillari ishtirokida ramziy tasma qirqilib, mehmonlar ishlab chiqarish tsexlari, tayyor mahsulotlar qo’yilgan shourum bilan tanishdilar.
Plankton knitwear brendi ostida mahsulot ishlab chiqarishga boshlayotgan korxonaning loyiha qiymati 1 mln. dollar bo’lib, Xitoydan 450 ming dollarlik eng zamonaviy ishlab chiqarish dastgohlari keltirilib o’rnatilgan. Qariyb 50 nafar ayollar ish bilan band. Bir oyda 23 turdagi 25 ming dona kiyim tayyorlash imkoniyati mavjud. Ishlab chiqarilayotgan mahsulotlarning 90 foizi Rossiya davlatiga eksport qilinadi.
“Buyurtmalar hozirdanoq juda ko’p. Buning sababi ishimiz 70 foiz qo’l mehnatiga asoslanayotganidir. Ish o’rnini yaqin muddatda 110 taga yetkazamiz. Biz yosh tadbirkorlarga Davlatimiz rahbari tomonlaridan katta imkoniyatlar yaratilmoqda. Soliq imtiyozlari berilyapti. Bundan to’g’ri va aql bilan foydalanishimiz zarur. Kelajakda yirik loyihalarni ham amalga oshirish maqsadimiz bor”, - deydi yosh tadbirkor Abduhakim Oxunboboyev.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
