1. Bosh sahifa

V ISLOM BIRDAMLIGI SPORT O’YINLARIDA FARG’ONALIK SPORTCHILAR HISOBIDAGI MEDALLAR SONI 10 TAGA YETDI: KECHA DASTLABKI OLTIN MEDAL HAM QO’LGA KIRITILDI!

×

Turkiyaning Konya shahrida bo’lib o’tayotgan V Islom birdamligi o’yinlarida ishtirok etayotgan farg’onalik sportchilarimiz hisobidagi medallar soni 10 taga yetdi: 1 ta oltin, 3 ta kumush, 6 ta bronza. Kecha dastlabki oltin medal ham qo’lga kiritildi!

Badiiy gimnastikachimiz Nilufar A'zamova 5 halqadagi jamoaviy dasturda jamoadoshlari bilan oltin medalga sazovor bo’ldi.

56 ta mamlakatdan 4200 nafarga yaqin sportchilar ishtirokida 9-18 avgust kunlari bo’lib o’tayotgan V Islom birdamligi o’yinlarida avvalroq farg’onalik gimnastikachilar Rasuljon Abdurahimov va Habibullo Ergashev jamoaviy dasturda, parasuzish bahslarida esa Baxtiyor Ortiqov 50 metrga chalqancha usulda suzish bellashuvida kumush medallarni qo’lga kiritgandilar.

Rasuljon Abdurahimov shuningdek, parallel to’sin mashqlarida hamda yakkalik ko’pkurashda bronza medallarini qo’lga kiritdi. Shuningdek, yosh taekvondochimiz Zuhra Tojimatova (46 kg. gacha), yunon-rum kurashchilarimiz Muhammadqodir Rasulov (60 kg) hamda Abror Ataboyev (67 kg), yengil atletikaning nayza uloqtirish bahslarida Nargiza Qo’chqorova bronza medallari sohibi bo’ldilar.

Islom birdamligi o’yinlarining bugungi dasturida kamondan otish bo’yicha viloyatimiz vakillaridan Ziyoda Abdusattorova hamda Zebiniso Abdusattorovalar bahs olib borishadi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram