1. Bosh sahifa

FARG’ONALIK FAOL TADBIRKORLAR TAQDIRLANDILAR

×

Viloyat hokimligida O’zbekiston Respublikasi Prezidentining Farmoyishi bilan “Faol tadbirkor” ko’krak nishoni bilan taqdirlangan farg’onalik tadbirkorlarni taqdirlash marosimi bo’lib o’tdi.

Viloyat hokimi Xayrullo Bozorov, viloyat sektorlari rahbarlari, viloyat hokimining o’rinbosarlari hamda tadbirkorlar ishtirokida o’tkazilgan tadbirda iqtisodiyotimizning barqaror rivojlanishini ta'minlash, mamlakatimizda ishbilarmonlik muhitini yaxshilash, tadbirkorlikni rivojlantirish, eksport salohiyatini oshirish, yangi ish o’rinlarini yaratish, innovatsiyalarni joriy etish, soliqlarni o’z vaqtida to’lash, yetuk mutaxassislarni tayyorlashda alohida ibrat ko’rsatayotgan, shuningdek, biznesdagi muvaffaqiyatlari hamda ijtimoiy faolligi bilan barchaga namuna bo’layotgan yurtimiz tadbirkorlari qatorida “Musavartex” MChJ rahbari Farxod Bulatov, “BS textile Fargona” MChJ rahbari Ikromjon Voxidov, “Farg’ona ibratli begim” MChJ rahbari Shahnoza G’aniyeva va “Lux yan tex” MChJ rahbari Xurshidjon Meliko’ziyevlarga “Faol tadbirkor” ko’krak nishoni topshirildi.

Prezident Farmoyishi bilan “Faol tadbirkor” ko’krak nishoniga munosib ko’rilgan farg’onalik yana to’rt nafar tadbirkor – “Ilyasov” MChJ rahbari Faxriddin Ilyasov, “Bolajon orzusi” MChJ rahbari Xumoyun A'zamov, “Art house sadosh” MChJ rahbari Sadoqat Mirzayeva va “Havvo group” MChJ rahbari Mahmudjon Parpiyev bugun Toshkentda bo’lib o’tadigan tadbirda taqdirlanishadi.

Tadbirda shuningdek, viloyat iqtisodiyotini rivojlantirish, aholi uchun yangi ish o’rinlari yaratish, eksport hajmini oshirish, sanoatni mahalliylashtirish borasida faollik ko’rsatayotgan hamda aholini ijtimoiy qo’llab-quvvatlashda munosib hissa qo’shib kelayotgan bir guruh tadbirkorlar viloyat hokimining Faxriy yorlig’i bilan taqdirlandilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram