1. Bosh sahifa

VILOYAT HOKIMI XAYRULLO BOZOROV SO’X TUMANIDA AMALGA OSHIRILAYOTGAN YANGI LOYIHALAR BILAN TANISHDI

×

Viloyat hokimi Xayrullo Bozorov bugun viloyat sektorlari rahbarlari bilan birga So’x tumanida bo’lib, tumandagi yangi ishlab chiqarish loyihalari, barpo etilgan ijtimoiy ob'ektlar, mahallalarda aholi bandligini ta'minlash bo’yicha amalga oshirilayotgan ishlar bilan tanishdi.

Devayron mahallasidagi tikuv-trikotaj mahsulotlari ishlab chiqarishga ixtisoslashgan “Tristar Go” tikuvchilik korxonasida hozirda 70 dan ziyod so’xlik xotin-qizlar mehnat qilmoqdalar. Tadbirkor Nodirbek Mirzaabdullayev tashabbusi bilan hozirda korxona kengaytirilib, 500 ta doimiy ish o’rni yaratish loyihasi ustida ish olib borilmoqda. Korxona qoshida yosh qizlar ayollarga tikuvchilik kasbini o’rgatish bo’yicha o’quv markazi ham tashkil etilgan. Viloyat hokimi So’x uchun asosiy yechimtalab masalalardan biri bo’lgan yangi ish o’rinlarini yaratishda muhim ahamiyat kasb etadigan ushbu loyiha har tomonlama qo’llab-quvvatlanishini ma'lum qildi.

Sohibkor mahallasida “Tul world market” MChJ tomonidan barpo etilayotgan yangi zamonaviy savdo majmuasi qurilish jarayonlari ham ko’zdan kechirildi. Tadbirkor bilan muloqot chog’ida loyihani amalga oshirish uchun ajratilayotgan 5 mlrd. so’m bank krediti tasdiqlangani, biroq mablag’ni tadbirkor hisobiga o’tkazib berish kechikayotgani ma'lum bo’ldi. Viloyat hokimi ko’rsatmasi bilan ushbu masala qisqa fursatda hal etiladigan bo’ldi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram