BESHARIQ TUMANIDA PAXTA YIG’IM-TERIMI MAVSUMINI UYUSHQOQLIK BILAN TASHKIL ETISHGA BAG’ISHLANGAN SEMINAR BO’LIB O’TDI

Farg'ona viloyati hokimi
Hayrullo Hayitbayevich Bozarov

Ijtimoiy tarmoqlar

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati

<<	Dekabr 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

.

Saytni baholash

Hozir saytda 100 nafar foydalanuvchi Ishonch telefoni statistikasi
Ishonch telefoniga berilgan baholar

BESHARIQ TUMANIDA PAXTA YIG’IM-TERIMI MAVSUMINI UYUSHQOQLIK BILAN TASHKIL ETISHGA BAG’ISHLANGAN SEMINAR BO’LIB O’TDI

2022-08-25 22:55:07 626

PDF yuklash

Chop etish

Bugun viloyat hokimi Xayrullo Bozorov viloyat prokurori Baxtiyor Ismoilov bilan birga Beshariq tumanida bo’lib, paxta terimi oldidan g’o’za maydonlarini defoliatsiyalash ishlarini amalga oshirish, joriy yilgi paxta yig’im-terimi mavsumini uyushqoqlik bilan tashkil etish, yetishtirilgan hosilni nes-nobud qilmasdan o’z vaqtida va sifatli yig’ib-terib olish, shuningdek, ochiq maydonlarga va g’o’za qator oralariga g’alla ekishni o’z vaqtida va sifatli o’tkazish masalalariga bag’ishlangan ko’rgazmali seminarda ishtirok etdi.

Tumandagi “S.Marasulov” MMTP hududidagi “Azizbek” paxtachilik va g’allachilikka ixtisoslashgan fermer xo’jaligi dala shiyponida bo’lib o’tgan tadbirda dastlab yuqori hosildor chigit va qishloq xo’jaligi ekinlari urug’lari, kimyoviy o’g’itlar namunalari, texnikalardan iborat qishloq xo’jaligi ko’rgazmasi ko’zdan kechirilib, paxta maydonida defoliatsiya qilish tadbirlari o’rganib chiqildi.

Tuman sektorlari rahbarlari, fermer xo’jaliklari, paxta terimi, don ekish, defoliatsiya otryadlari rahbarlari, daxldor mutasaddilar, oqsoqollar ishtirok etgan tadbirda so’z olgan viloyat hokimi Xayrullo Bozorov bu yilgi paxta hosili mo’l bo’lsin, oldinda turgan rejalarni yorug’ yuz bilan bajarish nasib qilsin, deb tilak bildirdi.

Yig’ilishning asosiy maqsadi defoliatsiya qilish, terim mavsumini to’g’ri tashkil qilish, kelgusi yil uchun g’alla ekish ishlarini tashkil qilish ekanligiga e'tibor qaratildi. Fermerlarga yil davomida mineral o’g’itlar va yoqilg’i-moylash materiallari, zaruriy texnikalar o’z vaqtida yetarli darajada yetkazib berilganini qayd etildi. Paxta yig’im-terimiga kirishish oldidagi so’nggi agrotexnik tadbirlarni to’g’ri amalga oshirish, g’o’za maydonlarini defoliatsiyalashni g’o’zaning biologik yetilganligiga qarab o’z muddatida va sifatli o’tkazish, qo’llaniladigan defoliantlarni to’g’ri tanlash bo’yicha tavsiyalar berildi.

Joriy yil tumanda “Lux Yan Tex” paxtachilik klasteriga biriktirilgan 7995 gektar maydondan paxta xom ashyosi yetishtirish bo’yicha shartnomalar tuzilgan.

Paxta yig’im-terimini tizimli tashkil etish maqsadida 90 ta terim otryadlari shakllantirilib, otryadlarga jami 12500 nafar, shundan 6360 nafar fermer xo’jaligi a'zolari, 6140 nafar aholi vakillaridan iborat terimchilar biriktirildi.

Otryadlarga 110 ta transport traktori, 190 ta tirkamalar biriktirildi hamda 380 ta yopinchiq, 25 mingta fartuk, 90 ta tarozi, qozon-o’choq, samovor, suv saqlash baklar zahirasi mavsumga tayyorlab qo’yildi.

Tashkil etilgan 90 ta otryadlarga 2 million so’mdan pul mablag’lari berilmoqda.