FARG’ONADA “UMID NIHOLLARI-2022” SPORT MUSOBAQASINING VILOYAT BOSQICHI G’OLIB VA SOVRINDORLARI TAQDIRLANDI

Farg'ona viloyati hokimi
Hayrullo Hayitbayevich Bozarov

Ijtimoiy tarmoqlar

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati

<<	Dekabr 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

.

Saytni baholash

Hozir saytda 78 nafar foydalanuvchi Ishonch telefoni statistikasi
Ishonch telefoniga berilgan baholar

FARG’ONADA “UMID NIHOLLARI-2022” SPORT MUSOBAQASINING VILOYAT BOSQICHI G’OLIB VA SOVRINDORLARI TAQDIRLANDI

2022-08-28 09:55:14 222

PDF yuklash

Chop etish

Farg’ona davlat universitetining sport o’yingohida umumiy o’rta ta'lim maktablari o’quvchilari o’rtasida o’tkazilgan “Umid nihollari-2022” sport musobaqasining viloyat bosqichida g’olib va sovrindor bo’lgan 509 nafar o’quvchilar hamda ularning 51 nafar murabbiylarini taqdirlash marosimi bo’lib o’tdi.

Sport kechasida viloyat hokimi Xayrullo Bozorov, Sportni rivojlantirish vazirining o’rinbosari Shaxrillo Mahmudov, O’zbekiston Sport faxriylari Kengashi raisi Bahodir Maxsitov ishtirok etdilar.

Tadbirda viloyat hokimi kichik olimpiada nomini olgan “Umid nihollari” sport musobaqalari barcha ishtirokchilari, sovrindorlarni mustaqillik bayrami bilan samimiy qutlab, so’nggi yillarda mamlakatimizda yoshlarga bo’lgan e'tibor, boshqa davlatlarda bo’lmagan tizim tashkil qilinganligi, bugungi kunda yoshlarimizni sportga qiziqishini orttirish, ommaviy sportga keng jalb qilish bo’yicha ulkan ishlar amalga oshirilayotganligini qayd etdi.

“Umid nihollari” sport musobaqasining hududiy bosqichlari viloyatimizda yuksak saviyada o’tkazilib, sportning o’ndan ortiq turi bo’yicha bellashildi. Musobaqaning maktab bosqichlarida jami 515 ming nafar o’g’il-qizlar kuch sinashib, ularning 103 ming nafari shahar va tuman bosqichlarida g’oliblik uchun kurash olib bordilar. O’tkazilgan hududiy va viloyat final bosqichlarida 2983 nafar o’quvchi ishtirok etgan bo’lsa, shundan 1200 nafarini qizlar tashkil etdi.

“Umid nihollari-2022” sport musobaqasining viloyat final bosqichida 1-o’rinni egallagan o’quvchilarning har biri noutbuk (166 ta), 2-o’rin televizor (166 ta), 3-o’rin velosiped (177 ta) va 1-3-darajali medal, diplom va kuboklar, shuningdek, ularni musobaqalarga tayyorlagan o’qituvchi-murabbiylari esa sport ekipirovkalari bilan taqdirlandilar.

Umumjamoa hisobida g’oliblikni qo’lga kiritgan Beshariq tumani jamoasi O’zbekiston Respublikasi Prezidenti sovg’asi sifatida “Damas” rusumli avtomashina kalitini viloyat hokimidan qabul qilib oldilar.