1. Bosh sahifa

FARG’ONA TUMANIDA ZAMONAVIY TURAR-JOY MAJMUASI QAD ROSTLADI

×

Bugun Farg’ona tumani Mindonobod mahalla fuqarolar yig’ini hududida mustaqillik bayramiga tuman aholisiga munosib bayram tuhfasi bo’lgan 13 ta 5 qavatli hamda 9 ta 4 qavatli 606 xonadondan iborat bo’lgan turar-joy binolari majmuasi tantanali tadbir bilan foydalanishga topshirildi.

Uylarning ochilish tadbirida so’z olgan viloyat hokimining o’rinbosari Xojiqo’zijon Isaqov, yangi xonadon egalari va tadbirga yig’ilgan ishtirokchilarni yurtimizda keng nishonlanayotgan mustaqillik shodiyonalari bilan tabriklab, mamlakatimizda qurilish, bunyodkorlik sohasida olib borilayotgan keng ko’lamli islohotlar, aholi turmush darajasini yaxshilanishiga qaratilayotgan e'tibor namunasi sifatida bugun foydalanishga topshirilgan uy-joylar ham tuman aholisiga munosib bayram sovg’asi ekanligini ta'kidlab o’tdi.

Osmonqadar bo’y cho’zgan yangi turar-joylarni ko’rib, yuzi, ko’zida mamnunlik alomatlari ko’rinib turgan mahalla oqsoqollari, elu-yurtga tinchlik, ushbu xonadonlarda egalari to’y tomoshalar qilib, yaxshi kunlarini o’tkazishlarini tilab duoga qo’l ochdilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram