Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
BAG’DODDA SAMARASIZ FOYDALANILGAN BINO NEGIZIDA TASHKIL ETILGAN KORXONADA 60 TA ISH O’RNI YARATILIB, ISHLAB CHIQARILGAN MAHSULOT XORIJGA EKSPORT QILINMOQDA
2022-09-22 19:28:09 223
Bag’dod tumani markazidagi sobiq moddiy-texnika ta'minoti bazasining samarasiz foydalanilgan bino-inshootlari negizida yosh tadbirkor Jahongir Omonov tomonidan 20 xildan ziyod parko’rpa hamda yostiqlar ishlab chiqarish korxonasi faoliyat boshlagach, bunda 60 ta ish o’rni yaratildi. Kelgusida sintefon ishlab chiqarishni yo’lga qo’ymoqchi bo’layotgan tadbirkor bu turdagi mahsulot importini sezilarli darajada qisqartirishga erishmoqchi.
5,5 milliard so’mlik loyihani amalga oshirishda Jahongir Omonov faqatgina o’z mablag’lariga tayandi. Avvaliga, tashlandiq holatga kelib qolgan bino-inshootlar to’liq ta'mirlandi. Xitoy davlatidan keltirilgan uskunalar o’rnatilib, tikish-bichishni biladigan, zamonaviy asbob-uskunalardan foydalanish malakasiga ega bo’lgan yoshlarga kafolatli ish o’rinlari taklif qilindi.
Joriy yilning o’tgan 9 oyi davomida korxonada 10 milliard so’mlik mahsulot ishlab chiqarilib, 40 foiz mahsulot eksportga yo’naltirildi. Asosan Rossiya, Tojikiston va Qirg’izistondagi mijozlarga 350 ming dollar qiymatiga teng bo’lgan "Golden sun" brendi ostidagi parko’rpa va yostiqlar yetkazib berilgan.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
