1. Bosh sahifa

OLTIARIQLIK XOTIN-QIZLAR FAOLI VA DANG’ARALIK TADBIRKOR AYOL “ENG YAXSHI XOTIN-QIZLAR FAOLI” VA “ENG NAMUNALI ISH BERUVCHI AYOL” TANLOVLARI RESPUBLIKA BOSQICHI G’OLIBLARI ORASIDAN O’RIN OLDILAR 

×

O’zbekiston kasaba uyushmalari Federatsiyasi tomonidan tashkil etilgan “Eng yaxshi sektor rahbari”, “Eng yaxshi mahalla raisi”, “Eng yaxshi hokim yordamchisi”, “Eng namunali ish beruvchi ayol”, “Eng yaxshi xotin-qizlar faoli” va “Eng yaxshi yoshlar yetakchisi” tanlovlarining Respublika bosqichi g’oliblari e'lon qilindi.

G’oliblar orasidan viloyatimizning ikki vakili ham o’rin olishdi: 

Oltiariq tumani Ustoz MFY xotin-qizlar faoli Komilaxon G’iyosova “Eng yaxshi xotin-qizlar faoli” tanlovida 2-o’ringa loyiq ko’rilgan bo’lsa, Dang’ara tumanidagi Beknur klass MChJ rahbari Ma'rifatxon Umarova “Eng namunali ish beruvchi ayol” tanlovida 3-o’rinni egalladi.

Tanlov g’oliblariga Prezident sovg’asi sifatida avtomobil topshiriladi. Tanlov nizomiga ko’ra, Komilaxon G’iyosova 2-o’rin uchun Kobalt avtomobili, Ma'rifatxon Umarova 3-o’rin uchun Spark avtomobili egasiga aylandilar.

G’oliblarni tantanali taqdirlash tadbiri 11 noyabr - O’zbekiston kasaba uyushmalari kuni arafasida bo’lib o’tadi.

Ushbu tanlovlar mamlakatimizda keyingi yillarda “Ayollar daftari”ga kiritilgan xotin-qizlarning muammolarini hal etish, ishsiz, ijtimoiy himoyaga muhtoj xotin-qizlarni kasb-hunar va tadbirkorlikka o’qitish, tomorqa yerlaridan unumli foydalanishga ko’maklashish, o’zini o’zi band qilish, kreditlar ajratish, nogironligi bo’lgan xotin-qizlarga moddiy yordamlar ko’rsatish, ularni uy-joy bilan ta'minlash borasida namunali ish tashkil etgan mas'ul xodimlarni taqdirlash uchun tashkil etib kelinmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram