1. Bosh sahifa

MARG’ILON SHAHRIDA YANGI MAHALLA BINOSI FOYDALANISHGA TOPSHIRILDI

×

Viloyat hokimi Xayrullo Bozorov, bugun Marg’ilon shahridagi o’rganishlar davomida “Istiqlol” mahalla fuqarolar yig’ini binosini foydalanishga topshirish tadbirida ishtirok etdi. 

Davlat-xususiy sheriklik asosida tadbirkor Ayubxon Qosimov tomonidan qurib bitkazilgan 5 qavatli turar-joy binosining maydoni 115 kv.m. bo’lgan birinchi qavati mahalla fuqarolar yig’ini uchun ajratib berildi. Qolgan to’rtta yuqori qavatda 9 ta xonadon mavjud.

Mahalla fuqarolar yig’inining yangi binosida xodimlar va mahalla aholisi uchun barcha zarur sharoit va qulayliklar yaratilgan. Xonalar zamonaviy mebel jihozlari bilan ta'minlangan.

Viloyat rahbari bu yerda mahalla raisi, hokim yordamchisi, xotin-qizlar faoli va yoshlar yetakchisi bilan aholi hayotini yaxshilash bo’yicha asosiy yo’nalish va vazifalar masalasida muloqot qildi. Mahalla binosi hududi yonida joylashgan bog’da birgalikda ko’chat o’tqazildi.

Xayrullo Bozorov shuningdek, yondosh Navbahor MFY hududida ma'nan eskirgan ikki qavatli turar-joy binolarini buzib, o’rniga zamonaviy 7 qavatli turar-joylar qurish loyihasi bilan tanishdi. Bu jarayonda eski uylarda istiqomat qilayotgan aholi bilan roziligini ta'minlash asosiy masala ekaniga e'tibor qaratgan viloyat rahbari, xonadon egalariga maydoni eski uylaridan kam bo’lmasligi sharti bilan yangi quriladigan binolardan xonadon ajratilish zarurligini ta'kidladi va bu borada shahar mutasaddilariga vazifa yukladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram