1. Bosh sahifa

XAYRULLO BOZOROV: VILOYATIMIZDAGI PILLANI CHUQUR QAYTA ISHLASH KORXONALARI UCHUN JAHON BOZORLARI TALABIGA MOS SOF VA ARALASH IPAK GAZLAMALAR ISHLAB CHIQARISHGA O’TISH DAVRI KELDI

×

Viloyat hokimi Xayrullo Bozorov bugun Farg’ona tumani Dilkusho MFY hududidagi “Vodil ipak yigiruv” sho’'ba korxonasida bo’lib, joriy yilda amalga oshirilgan ipak ishlab chiqarish faoliyatini kengaytirish loyihasi bilan tanishdi. Qiymati 22 milliard so’m bo’lgan loyihaning ishga tushirilishi natijasida 312 tonna ishlab chiqarish quvvati shakllantirildi, 90 ta ish o’rni yaratildi. 

Korxona rahbari bilan muloqot qilgan viloyat hokimi, sohaga zamonaviy texnologiyalarini joriy etish, ishlab chiqarilayotgan mahsulot turlarini yangilash va kengaytirish lozimligini qayd etdi. Ishlab chiqarilayotgan matolarning eni kambar ekanligi xorijda muvaffaqiyatli raqobat qilishda qiyinchiliklar tug’dirayotgani, jahon bozori kon'yunkturasining tez fursatlar bilan o’zgarib borayotganligi, iste'molchilarning talablari kuchayayotganligiga e'tibor qaratgan Xayrullo Bozorov, viloyatimizdagi pillani chuqur qayta ishlash korxonalari uchun jahon bozorlari talabiga mos sof va aralash ipak gazlamalar ishlab chiqarishga o’tish davri kelganini ta'kidladi.

Bu borada yangi loyihalarni ishlab chiqqan korxonalar har tomonlama qo’llab-quvvatlanishi ma'lum qilindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram