1. Bosh sahifa

FARG’ONA VA ARXANGELSK O’RTASIDA ILMIY VA TA'LIM SOHASIDA HAMKORLIK YO’LGA QO’YILDI

×

Farg’ona viloyati Pedagoglarni yangi metodikalarga o’rgatish milliy markazi hamda Rossiyaning Arxangelsk shahridagi Shimoliy (Arktika) federal universiteti (ShAFU) o’rtasida hamkorlik yo’lga qo’yildi.

Arxangelskda bo’lib o’tgan xalqaro konferentsiya doirasida viloyat Pedagoglarni yangi metodikalarga o’rgatish milliy markazi hamda Shimoliy (Arktika) federal universiteti o’rtasida o’zaro anglashuv memorandumi imzolandi. Memorandumni viloyat Pedagogik markazi rahbari Feruza Sohibova va ShAFU universiteti rektori YElena Kudryashova imzoladilar.

Hamkorlikda ShAFU ta'lim dasturlari doirasida pedagogika, psixologiya, ijtimoiy ish, maxsus (defektologik) ta'lim kabi yo’nalishlar bo’yicha quyidagicha tadbirlar tashkil etiladi:

- Farg’ona viloyati Pedagoglarni yangi metodikalarga o’rgatish milliy markazi xodimlari uchun amaliyot;

- Farg’ona viloyati o’qituvchilari uchun mahorat darslari va seminarlar;

- kasbiy faoliyat maktab o’quvchilari uchun yo’l-yo’riq platformalari.

Joriy yil sentyabr oyida Lomonosov nomidagi Shimoliy (Arktika) federal universiteti delegatsiyasi Farg’ona viloyatidagi ta'lim muassasalari bilan ilmiy va ta'lim sohasida hamkorlikni yo’lga qo’yish maqsadida viloyatga tashrif buyurgan edi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram