1. Bosh sahifa

VILOYATDAGI OLIY TA'LIM MUASSASALARI TALABALARI UCHUN KECH SOATLARDA TURLI YO’NALISHLARDA JAMOAT TRANSPORTI TASHKIL ETILADI

×

Ijtimoiy tarmoqlarda viloyatimizdagi oliy ta'lim muassasalarining kechki ta'lim yo’nalishida tahsil olayotgan talabalar o’qishdan qaytishda jamoat transporti yo’qligi sababli qiynalishayotgani haqida xabarlar e'lon qilindi.

Ushbu masala viloyat hokimligi tomonidan nazoratga olinib, bugun viloyat hokimining o’rinbosari Fayzullo Qosimov tomonidan viloyatdagi oliy ta'lim muassasalari rahbarlari hamda transport sohasi mas'ullari ishtirokida videoaloqa shaklida yig’ilish o’tkazildi.

Viloyat hokimining o’rinbosari tomonidan barcha OTMlar rahbarlariga kechki soatlarda uyga qaytadigan talabalarning borish yo’nalishlari bo’yicha tezkor hisob-kitob qilib, umumlashgan ma'lumotlarni viloyat hokimligiga taqdim etish vazifasi topshirildi. Olinadigan ma'lumotlardan kelib chiqib, har bir oliy ta'lim muassasasidan qaysi yo’nalishda nechta avtobus qo’yilishi belgilanadi. Viloyat transport boshqarmasi tomonidan viloyatdagi transport xizmati ko’rsatuvchi tadbirkorlik sub'ektlari bilan birgalikda, yetarli avtobuslar qo’yilishi ta'minlanadi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram