Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
YAPONIYA KOMPANIYASI FARG’ONA VILOYATIDA QISHLOQ XO’JALIGI SOHASIGA DRONLAR XIZMATINI TADBIQ ETADI, FARG’ONADA DRONCHILAR MAKTABI TASHKIL ETILADI
2022-11-23 18:59:58 651
Viloyat hokimi Xayrullo Bozorov Yaponiyaning Sanctuary va DS Drone School Osaka kompaniyalari rahbari Uemura Masatoni qabul qildi.
Uchrashuvda Yaponiya kompaniyasi ishtirokida Farg’ona viloyatida “aqlli” qishloq xo’jaligi tizimini joriy etish, tizimga axborot texnologiyalarini joriy etgan holda dronlar bilan tasvirga olish orqali qishloq xo’jaligida mahsulot yetishtirish hamda ekinlarni parvarishlash ishlari samaradorligini oshirish, dronlar yordamida ekinlarni kimyoviy o’g’itlashni yo’lga qo’yish kabi masalalar muhokama qilindi. Shuningdek, Farg’ona shahridagi Ekoshahar hududida ushbu kompaniya investitsiyasi hisobiga amalga oshirishga kirishilayotgan Kobe yapon restorani loyihasi yuzasidan ham fikr almashildi.
Uemura Masato qishloq xo’jalik sohasida respublikada eng ilg’or hudud bo’lgan Farg’ona viloyatida qishloq xo’jalik sohasiga “aqlli” texnologiyalarni joriy etilishi, iqtisodiy samaradorlikni yanada oshirishiga e'tibor qaratib, o’z kompaniyasi tomonidan viloyatdagi klasterlar hamda fermer xo’jaliklari uchun dronlar orqali dalalarda ekin parvarishi jarayonlari yuzasidan ma'lumot yig’ish hamda tahliliy monitoring yuritish, shuningdek, Yaponiyada ishlab chiqarilgan 30 kg. yuk ko’tarish quvvatiga ega qishloq xo’jalik dronlari orqali ekinlarni kimyoviy o’g’itlash xizmatini tashkil etishni rejalashtirilayotganini bildirdi.
Dastlabki bosqichda amaliy samaradorlikni ko’rsatib berish uchun ushbu xizmatlar bepul taqdim etiladi, keyin klasterlar bilan shartnomaviy asosda ish tashkil etiladi.
Shuningdek, ushbu tizimni viloyatda joriy etishda zarur mutaxassislarni tayyorlash uchun qishloq xo’jaligi sohasiga ixtisoslashgan dronchilar tayyorlash maktabini tashkil etish hamda muvaffaqiyatli bitiruvchilarga xalqaro sertifikatlar berish tizimini joriy qilish ko’zda tutilgan.
Qishloq xo’jaligi tarmog’iga innovatsiyalarni qo’llash, ishlab chiqarishni tashkil etishga ko’mak beruvchi ushbu loyiha viloyat hokimligi tomonidan qo’llab-quvvatlanishi bildirildi. Yapon kompaniyasi o’z faoliyatini Farg’ona shahrida tashkil etilgan va yil yakuniga qadar foydalanishga topshiriladigan Viloyat hududiy agroxizmatlar markazi qoshida tashkil etishi belgilandi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
