Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
JURNALIST VA BLOGERLAR VILOYATIMIZDA “YASHIL MAKON” UMUMMILLIY LOYIHASI DOIRASIDA AMALGA OSHIRILAYOTGAN ISHLAR BILAN TANISHDILAR
2022-11-23 19:50:21 225
Viloyat ekologiya va atrof-muhitni muhofaza qilish boshqarmasi tashabbusi bilan Farg’ona shahrida jurnalist va blogerlar uchun press-tur tashkil etildi. Unda “Yashil makon” umummilliy loyihasi doirasida viloyatda amalga oshirilayotgan ishlar e'tiborda bo’ldi.
Press-tur davomida viloyat ekologiya va atrof-muhitni muhofaza qilish boshqarmasi mas'ul rahbarlari tomonidan viloyatda joriy yil kuz mavsumida 5 million 747 ming tup manzarali va mevali ko’chatlar hamda qalamchalar ekish rejalashtirilgani va ko’chat ekish tadbirlari 1 dekabrga to’la yakunlanishi ma'lum qilindi.
Bugungi kun holatiga 5 million 200 ming tupdan ziyod ko’chatlar ekilib, ayni jarayonlar hududlarda jadal davom etayotgani qayd etildi. Press-tur davomida shahardagi “O’rmonchilar” MFY dagi Aeroport ko’chasida joylashgan 2,2 gektar maydondagi “Jamoat parki”da ko’chat ekish tadbirlari bilan tanishildi.
Bosh rejaga asosan Eldar sosnasi, oqqayin, klen kabi 1200 tupdan ziyod manzarali daraxtlar ekilgan maydonda viloyat Favqulodda vaziyatlar boshqarmasi va mas'ul idoralar ko’magida yana 3 ming tup manzarali daraxtlar ekish ishlari qizg’in amalga oshirilayotgani ma'lum qilindi. Shu joyda ekologiya davlat inspektorlari tomonidan ekilgan ko’chatlarni “Yashil makon” elektron platformasiga kiritish, ularga mas'ullarni biriktirish chora-tadbirlari tushuntirib o’tildi.
Keyingi manzilda esa Ekoshahar hududida 70 gektar maydonda barpo etilayotgan “Yangi O’zbekiston” bog’ida amalga oshirilayotgan obodonlashtirish va ko’kalamzorlashtirish ishlari ko’rildi. Bu yerga jami 18 742 tup daraxtlar ekish rejalashtirilgan bo’lib, hozirda 11 yarim ming tupga yaqin Qrim sosnasi, kashtan, dub, oqqayin, sakura kabi ko’plab turdagi manzarali daraxtlar joylashtirilgani haqida ma'lumot berildi.
Pess-tur ishtirokchilari “Yashil makon” umummilliy loyihasi doirasida mevali va manzarali daraxt, buta ko’chatlari hamda qalamchalarni ekish ishlarini muvofiqlashtiruvchi viloyat shtabida ham bo’lib, “dolzarb 40 kunlik” bo’yicha o’zlarini qiziqtirgan savollarga javoblar olishdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
