1. Bosh sahifa

O’RTA MAXSUS, KASB-HUNAR TA'LIMI MUASSASALARIDA “JAHOLATGA QARSHI MA'RIFAT” SHIORI OSTIDA TADBIRLAR O’TKAZILMOQDA

×

Farg’ona viloyatida yoshlar o’rtasida ijtimoiy-ma'naviy muhitni yanada sog’lomlashtirish, millatlararo totuvlik va diniy bag’rikenglik ruhida tarbiyalash, ona Vatanga muhabbat va yurtga sadoqat tuyg’ularini mustahkamlash maqsadida o’rta maxsus, kasb-hunar ta'limi muassasalaridagi o’quvchilar ishtirokida “Jaholatga qarshi ma'rifat” shiori ostida tadbirlar o’tkazilmoqda.

Shunday tadbirlar Farg’ona davlat universiteti akademik litseyi, Toshkent axborot texnologiyalari universitetining Farg’ona filiali akademik litseyi, Farg’ona imkoniyati cheklangan shaxslar uchun ixtisoslashtirilgan kasb-hunar maktabi hamda Bag’dod, Quva, Qo’shtepa, Oltiariq tumanlaridagi kasb-hunar maktablarida o’tkazildi.

Tadbirlar avvalida fotoko’rgazma tashkil qilinib, unda ekstremizm va terrorizm, giyohvandlik va boshqa salbiy illatlarning oqibatlari, yoshlar tarbiyasi, ilm olish, millatlararo totuvlik va diniy bag’rikenglikni targ’ib qiluvchi lavhalar o’rin olgan.

Shuningdek, tadbirlarda malakali imom-xatiblar tomonidan Islom dini tinchlik dini ekanligi, tinchlik-osoyishtalik ulug’ ne'mat ekanligi haqida va boshqa ma'ruzachilar tomonidan ilm olish, ota-onani hurmat qilish, Vatanni sevish hamda jaholatga qarshi faqat ma'rifat bilan kurashish mumkinligi haqida ma'ruzalar qilindi.

Tadbirlar viloyat hokimligi, Din ishlari bo’yicha qo’mitaning viloyat boshqarmasi, Ma'naviyat va ma'rifat markazi viloyat bo’limi, Kasbiy ta'limni rivojlantirish va muvofiqlashtirish boshqarmasi hamkorligida o’tkazilmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram