Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
XALQARO AYOLLARGA NISBATAN ZO’RAVONLIKKA BARHAM BERISH KUNI MUNOSABATI BILAN FARG’ONADA “AYOLLAR SPORT FESTIVALI” BO’LIB O’TMOQDA
2022-11-26 13:54:44 244
Bugun Farg’ona shahridagi “Samo” sport majmuasida “Ayollar sport festivali”ning tantanali ochilish marosimi bo’lib o’tdi. Unda Oila va xotin-qizlar davlat qo’mitasi raisi o’rinbosari Nodira Egamberdiyeva ham ishtirok etdi.
Ochilish tadbirida ushbu festival 25 noyabrdan 10 dekabrga qadar Qo’mita hamda Respublika Ayollarni reabilitatsiya qilish va moslashtirish markazi tashabbusi bilan viloyatimizda ham o’tkazilayotgan “Zo’ravonlikka qarshi 16 kun” aktsiyasi doirasida tashkil etilgani ta'kidlandi.
25 noyabr – Xalqaro ayollarga nisbatan zo’ravonlikka barham berish kuni yurtimizda ham munosib nishonlanayotgani, xotin-qizlarni qo’llab-quvvatlash va ularni tazyiq va zo’ravonlikdan himoya qilish borasida keng ko’lamli tizimli ishlar yo’lga qo’yilgani aytib o’tildi.
Ayollar o’rtasida sport musobaqalarining o’tkazilayotgani xotin-qizlarni sportga bo’lgan ishtiyoqini yanada oshirish bilan bir qatorda sog’lom turmush tarzini mustahkamlashga xizmat qilayotgani qayd etildi.
Shundan so’ng yosh sportchilarning ko’rgazmali chiqishlari barchada iliq taassurot qoldirdi.
Hakamlar tomonidan musobaqa Nizomi tushuntirilib, shashka, stol tennisi, gimnastrada, yugurish, darts kabi sport turlarida shahar-tumanlardan kelgan 200 nafardan ziyod ishtirokchilar qizg’in baxslarga kirishdilar.
Musobaqa yakunida g’oliblar nomi aniqlanib, ularga tashkilotchilarning esdalik sovg’alari hamda diplomlari topshiriladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
