1. Bosh sahifa

VILOYAT HOKIMINING BIRINCHI O’RINBOSARI TADBIRKORLAR QABULINI O’TKAZDI

×

Bugun Farg’ona shahridagi “Tadbirkorlar uyi”da viloyat hokimining birinchi o’rinbosari Avazbek O’rinboyev ishtirokida tadbirkorlar qabuli tashkil etildi. Viloyat tadbirkorlarining tashabbuslari va loyihalarini qo’llab-quvvatlash, muammo va murojaatlariga qonuniy yechim topish maqsadida o’tkazilgan qabulda viloyatimizning shahar va tumanlaridan kelgan 30 nafarga yaqin tadbirkorning murojaatlari ko’rib chiqildi.

Qabulda tadbirkorlar yangi ishlab chiqarishlarni yo’lga qo’yish, tadbirkorlik uchun zarur kommunikatsiya tarmoqlarini tortish, imtiyozli va uzoq muddatli kredit olish, “Aqlli bekat” qurish, yengil tipdagi binoni qonuniy tartibda rasmiylashtirish, yer maydonini auktsionga qo’yib berish va boshqa turli masalalarda murojaat qildilar.

Xususan, Zuxriddin Mahmudaliyev Farg’ona shahrida qad rostlayotgan Ekoshaharda tibbiyot muassasasi qurish niyati borligini, Farg’ona shahrida faoliyat olib borayotgan Abdulqunduz Yunusov esa o’z ishini kengaytirib So’x tumanida ham bo’yoq ishlab chiqarish korxonasini qurmoqchi ekanligini va 20 taga yaqin yangi ish o’rinlarini yaratishini ma'lum qildi.

Har bir qilingan murojaat viloyat tashkilotlari mas'ullari ishtirokida ko’rib chiqilib, tegishli tartibda tadbirkorlarga ko’mak ko’rsatilishi uchun chora-tadbirlar belgilandi. Qonuniy jihatdan qanoatlantirish imkoni mavjud bo’lmagan murojaatlar bo’yicha tushuntirishlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram