1. Bosh sahifa

VILOYAT HOKIMI XAYRULLO BOZOROV FARG’ONA VA MARG’ILON SHAHARLARINI BOG’LOVCHI YO’L O’TKAZGICHDA AMALGA OSHIRILAYOTGAN TA'MIRLASH ISHLARINI BORIB KO’RDI

×

Viloyat hokimi Xayrullo Bozorov bugun viloyat sektorlari rahbarlari bilan birga Farg’ona va Marg’ilon shaharlarini bog’lovchi yo’l o’tkazgichda amalga oshirilayotgan ta'mirlash ishlarini borib ko’rdi, mas'ullar bilan muloqot qildi. Dastlabki rejalarga ko’ra, 1 noyabrda yakunlanishi lozim bo’lgan ta'mirlash ishlari o’rtaga chiqqan ob'ektiv texnik va tashkiliy sabablar natijasida kechikayotgani bois, hozirda ob'ektni tez muddatda foydalanishga topshirish uchun jadal ish tashkil etilgan.

Respublika Avtomobil yo’llari davlat qo’mitasi Umumiy foydalanishdagi avtomobil yo’llarini qurish va rekonstruktsiya qilish direktsiyasi rahbari Dilmurod Isayev ham murakkab ta'mirlash ishlari jarayonlarini muvofiqlashtirish uchun ob'ektda doimiy ish olib bormoqda.

Viloyat avtomobil yo’llari hududiy bosh boshqarmasi boshlig’i Oybek Nazirov viloyat rahbariga ta'mirlash ishlarining borishi haqida ma'lumot berdi va ob'ekt yaqin kunlarda foydalanishga topshirilishini ma'lum qildi.

1976 yilda qurilgan, uzunligi 165 metr, eni piyodalar yo’lagi bilan jami 24 metr bo’lgan ushbu yo’l o’tkazgichda hozirga qadar ta'mirlash ishlari amalga oshirilmagan bo’lib, oraliq qurilmalari (balkalari) va chetki to’siqlari, yoritish ustunlari yaroqsiz holatga kelganligi sababli, Vazirlar Mahkamasi yig’ilish bayoniga asosan ta'mirlash ishlari olib borilmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram