1. Bosh sahifa

VILOYATDAGI BALIQCHILIK XO’JALIKLARINI INTENSIVLASHTIRISH UCHUN BALIQ HAVZALARIGA QUYOSH PANELLARI HAMDA KISLOROD BILAN BOYITISH USKUNALARI O’RNATILADI

×

Viloyat hokimi Xayrullo Bozorov viloyat sektorlari rahbarlari bilan birga Yozyovon tumanidagi baliqchilik xo’jaliklari faoliyati bilan tanishdi, viloyatdagi baliqchilik xo’jaliklarini intensivlashtirish uchun baliq havzalariga quyosh panellari hamda aeratorlar o’rnatish bo’yicha berilgan topshiriq ijrosi doirasida dastlabki ishlar bilan tanishdi.

Yangiobod MFY hududidagi "Aziz ko’l" fermer xo’jaligida 230 million so’m mablag’ hisobiga umumiy quvvati 9 kVt/soat bo’lgan quyosh panellari o’rnatildi. Ishlab chiqarilgan energiya suv havzasiga o’rnatilgan kislorod bilan boyitish uskunalari – aeratorlarni quvvatlash uchun yetarli bo’ldi. Natijada 5 gektar hovuzdan avvallari 7-8 tonna baliq olingan bo’lsa, endi 18 tonna baliq yetishtirildi.

Viloyat hokimi ushbu tajribani tumandagi barcha 87 ta baliqchilik xo’jaliklarida joriy etish bo’yicha mutasaddilarga topshiriq berdi, viloyatning boshqa tumanlaridagi baliqchilik havzalarida ham ushbu tizim joriy etilishi belgilandi. Buning uchun Jahon banki mablag’lari hisobidan imtiyozli kredit taqdim etishni ta'minlash bo’yicha Markaziy bank viloyat bosh boshqarmasi boshlig’i hamda baliqchilik sanoatini moliyaviy qo’llab-quvvatlashga mas'ul bo’lgan Ipoteka bankning viloyat filiali rahbariga vazifa yuklandi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram