1. Bosh sahifa

UZ-SEGANG KOMPANIYASI FARG’ONA MEVA-SABZAVOTLARINING JAHON BOZORLARIGA EKSPORTI GEOGRAFIYASINI VA KO’LAMINI YANADA KENGAYTIRADI

×

Viloyat hokimi Xayrullo Bozorov Farg’onada qishloq xo’jaligi mahsulotlarini qayta ishlash va eksportga tayyorlashga ixtisoslashgan “Uz-Segang” MChJ O’zbekiston-Koreya qo’shma korxonasi rahbari Xurshid Normatov hamda korxonaning koreyalik investorlari San Von Yun va Gi Pxyon Limni qabul qildi.

Muloqot chog’ida “Uz-Segang” korxonasi faoliyatini yanada rivojlantirish, qo’shimcha xorijiy investitsiyalar yo’naltirish, Farg’ona meva-sabzavotlarining jahon bozorlariga eksporti geografiyasini va hajmini yanada kengaytirish masalalari muhokama qilindi.

Bugungi kunda jahon bozorida shakllangan yangi kon'yunktura holatida yangi bozorlarni kashf etish hamda doimiy bozorlarda mavjud o’rinni mustahkamlash borasida fikr almashildi.

Quvasoy shahrida “Uz Segang” MChJ tomonidan 500 gektar maydonda amalga oshirilgan “Zamonaviy bog’ va tomchilatib sug’orishni tashkil etish” loyihasi korxona faoliyatini yangi bosqichga olib chiqishda muhim omil bo’lishi qayd etildi.

Koreyalik investorlar hamkorlik ko’lamini yanada kengaytirish yo’lida ish tashkil etishga qarorli ekanliklarini bildirishdi.

Uchrashuvda viloyat hokimining o’rinbosari Iqboljon Ergashev, Koreya-O’zbekiston Biznes assotsiatsiyasi rahbarining birinchi o'rinbosari Edvard Kim ham ishtirok etdilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram